या पदभरती अंतर्गत सामान्य बँकिंग स्ट्रीममध्ये क्रेडिट ऑफिसरची ३५० पदे आणि स्पेशलिस्ट स्ट्रीममधील आयटी अधिकारीची १५० पदे भरली जाणार आहेत. JMGS-I मध्ये प्रोबेशनरी ऑफिसर भरतीसाठी अर्ज करणाऱ्या उमेदवारांनी मान्यताप्राप्त विद्यापीठ अथवा शिक्षणसंस्थेतून बँकिंग आणि फायनान्स (PGDBF) मध्ये पोस्ट ग्रॅज्युएट डिप्लोमा उत्तीर्ण असणे आवश्यक आहे. पात्रता, निवड प्रक्रिया आणि इतर तपशीलांसाठी खाली वाचा. सामान्य / ईडब्ल्यूएस/ ओबीसी उमेदवारांना ८५० रुपये अर्ज शुल्क भरावे लागेल. एससी/एसटी/पीडब्ल्यूडी उमेदवारांना १७५ अर्ज शुल्क भरावे लागेल.
पदभरतीसाठी अर्ज करताना उमेदवारांनी रेझ्युमे, दहावी, बारावी आणि शैक्षणिक प्रमाणपत्रं, शाळा सोडल्याचा दाखला, जातीचा दाखला (मागासवर्गीय उमेदवारांसाठी), ओळखपत्र (आधारकार्ड, लायसन्स) आणि पासपोर्ट साईझ फोटो हे दस्तावेज सोबत जोडणे आवश्यक आहे.
या पदासाठी आरक्षित वर्गातील उमेदवारांना पदभरती आणि वयोमर्यादेमध्ये सरकारी नियमानुसार सवलत देण्यात येणार आहे. याचा सविस्तर तपशील नोटिफिकेशनमध्ये देण्यात आला आहे. तसेच उमेदवारांना संबंधित संस्थेने दिलेल्या अटी आणि शर्थींचे पालन करणे आवश्यक आहे.
२५ फेब्रुवारी २०२३ ही अर्ज करण्याची शेवटची तारीख आहे. अर्ज करणाऱ्या उमेदवारांची निवड ऑनलाइन चाचणी, जीडी आणि वैयक्तिक मुलाखतीद्वारे केली जाईल. उमेदवारांची अंतिम निवड ऑनलाइन परीक्षा, वैयक्तिक मुलाखत आणि गटचर्चेत मिळवलेल्या गुणांवर आधारित असेल. अर्ज करण्यापुर्वी उमेदवारांनी नोटिफिकेशन काळजीपूर्वक वाचावे. अर्जामध्ये काही त्रुटी असल्यास किंवा दिलेल्या मुदतीनंतर आल्यास अर्ज बाद करण्यात येईल याची उमेदवारांनी नोंद घ्या.
पदभरतीचा तपशील पाहण्यासाठी येथे क्लिक करा