परळीकडे जात असताना तीन युवकांच्या दुचाकीची आणि उसाच्या ट्रॉलीची जोरदार धडक झाली. त्यामुळे या ठिकाणी भीषण अपघात झाला. या अपघातात दोन तरुणांचा जागीच मृत्यू झाला, तर एकजण गंभीररित्या जखमी झाला होता. या अपघाताची माहिती मिळताच पोलीस प्रशासन अपघात स्थळी तात्काळ दाखल झाले. जखमी तरुणाला तात्काळ अंबाजोगाई येथील स्वराती रुग्णालयात दाखल करण्यासाठी घेऊन जात असताना रस्त्यातच त्याचा मृत्यू झाल्याची प्राथमिक माहिती स्थानिकांनी या ठिकाणी दिली.
या भीषण अपघातात या तीन तरुणांचा मृत्यू झाल्याने सर्वत्र हळहळ व्यक्त होत आहे. हा अपघात सायंकाळी साडेसहाच्या दरम्यान घडला असून या अपघातानंतर तात्काळ नागरिकांनी आणि पोलीस प्रशासनाने धाव घेतली असली तरी या तीन युवाकांना वाचवण्यात अपयश आलं आहे. या अपघाताने या तीन युवकांच्या कुटुंबावर मोठा दुःखाचा डोंगर कोसळला आहे. तसेच, परिसरात मोठी हळहळ व्यक्त केली जात आहे.
ऊस वाहतूक करणाऱ्या ट्रॅक्टर आणि दुचाकीची जोरदार धडक, तीन कुटुंबांनी मुलं गमावली…
बीड: परळी अंबाजोगाई रस्त्यावर आज एक भीषण अपघात झाला. या अपघातात तीन कुटुंबीयांनी आपला आधार गमावला आहे. परळी अंबाजोगाई रस्त्यावरीलभोपळा शिवारात ऊस वाहतूक करणाऱ्या ट्रॅक्टर आणि मोटरसायकलमध्ये भीषण अपघात झाला. या अपघातात तीन तरुणांना आपला जीव गमवावा लागला आहे. व्यंकटेश कांदे (राहणार बँक कॉलनी), रोहित भराडीया (राहणार पद्मावती गल्ली), शुभम धोकटे (राहणार इंडस्ट्रियल एरिया परळी वैजनाथ) यांचा मृतांमध्ये समावेश आहे. या घटनेमुळे सर्वत्र हळहळ व्यक्त केली जात आहे. घटनास्थळी परळी ग्रामीण पोलीस स्टेशनचे पोलीस निरीक्षक सुरेश चाटे, सहपोलीस निरीक्षक मारुती मुंडे, तोटेवाड दाखल झाले आहेत.