महाविकास आघाडीच्यावतीने कसबा मतदारसंघात कार्यकर्ता मेळाव्याचे आयोजन करण्यात आलं होतं. या सभेसाठी प्रमुख उपस्थिती म्हणून विरोधीपक्ष नेते अजित पवार उपस्थित होते, त्यासोबत कॉंग्रेस प्रदेशाध्यक्ष नाना पटोले, काँग्रेसचे आमदार संग्राम थपटे आणि अनेक स्थानिक पदाधिकारी उपस्थित होते.
अजित पवार यांना फटाक्याबद्दल विचारलं असता ते म्हणाले, मी त्याला जास्त महत्व देत नाही. गेले ३१ वर्ष मी राजकारणात आहे, असे किती तरी जण फटाके वाजवणारे आले आणि गेले मी त्याचा विचार करत नाही, असंही ते म्हणाले.
भाजपने केलेल्या या कृत्य बाबत राष्ट्रवादी पुणे शहर अध्यक्ष प्रशांत जगताप म्हणाले, भारतीय जनता पार्टीला आपला पराभव दिसायला लागला आहे. म्हणून शहर भाजपच्या वतीने अजित पवार यांच भाषण सुरू होताच जोरदार घोषणा देणे आणि फटाके वाजण्याच्या खोडसाळपणा केला गेला आहे. राष्ट्रवादी काँग्रेसचा शहराध्यक्ष म्हणून या घटनेचा निषेध करत असल्याचं प्रशांत जगताप म्हणाले.
पुणे शहर पोलिसांनी या प्रकरणी खुलासा केला पाहिजे अशी मागणी देखील प्रशांत जगताप यांनी केली. अजित पवार ज्या ठिकाणी सभा घेण्यासाठी येतात त्या ठिकाणी भाजपला रॅली काढण्याची परवानगी काशी काय दिली. याची चौकशी होण्याची गरज आहे, असं प्रशांत जगताप म्हणाले. भाजप ही पराभवाच्या छायेखाली आहे, म्हणून भाजपच्या वतीने असा खोडसाळपणा करण्यात आला आहे, असं प्रशांत जगताप म्हणाले.