पुसद तालुक्यातील शेलू बु येथील पोलिस कर्मचारी मांगीलाल चव्हाण हे वडगाव जंगल पोलिस ठाण्यात कार्यरत होते. काही दिवसापूर्वीच त्यांची बदली त्या ठिकाणाहून यवतमाळ शहर येथे करण्यात आली होती. गावाला दररोज जाणे शक्य नसल्याने तो शहरातील दत्त चौक परिसरात असलेल्या मकरंद हॉटेलमध्ये रूम घेऊन राहत होता. अश्यात सोमवार, १३ फेब्रुवारीला सकाळी पोलिस कर्मचारी मांगीलाल हे हॉटेलमधील रूममध्ये मृतावस्थेत आढळून आले. घटनेची माहिती हॉटेलमधील कर्मचाऱ्यांना कळताच एकच खळबळ उडाली.
घटनेचे गांभीर्य लक्षात घेता अवधुतवाडी पोलिस ठाण्यातील अधिकारी, कर्मचाऱ्यांनी घटनास्थळी धाव घेत पाहाणी केली. दरम्यान घटनास्थळाचा पंचनामा करून मृतदेह उत्तरीय तपासणीकरीता जिल्हा शासकीय रूग्णालयात दाखल केला.
दरम्यान, या प्रकरणी अवधुतवाडी पोलिस ठाण्यात मृत्यूची नोंद करण्यात आली असून मृत्यूचे कारण अद्याप समोर आलेलं नाही. या प्रकरणाचा पुढील तपास अवधुतवाडी पोलीस ठाण्याचे ठाणेदार मनोज केदारे यांच्या मार्गदर्शनाखाली पोलिस करीत आहे.
- पोलीस कर्मचाऱ्याचं नाव- मांगीलाल नामदेव चव्हाण
- आधीचं पोलीस स्टेशन- जंगल पोलिस ठाणे
- बदली झालेलं पोलीस स्टेशन- यवतमाळ शहर