मुंबई- अहमदाबाद राष्ट्रीय महामार्गावर चारोटी नजीक एशियन पेट्रोल पंप येथे रस्ता ओलांडणाऱ्या दुचाकीला ट्रेलरने जोरदार धडक दिली. महामार्गावर रस्ता ओलांडत असलेल्या दुचाकीला गुजरातहून मुंबईच्या दिशेने जाणाऱ्या भरधाव ट्रकने धडक देत जवळपास १०० मीटरपर्यंत दुचाकीसह फरफटक नेले.
ट्रेलर खाली चिरडून तिनही दुचाकीस्वारांचा या भीषण अपघातात जगीच दुर्दैवी मृत्यू झाला आहे. सदर घटनेची माहिती मिळतात पोलीस घटनास्थळी दाखल झाले व अपघातात मृत्यू झालेल्या तिघांचे मृतदेह ताब्यात घेऊन कासा उपजिल्हा रुग्णालयात शवविच्छेदनासाठी पाठवण्यात आले. काकड्या रांधे (वय ४४), स्वप्नील रांधे (वय २४) आणि विष्णू कान्हात (वय २८) अशी अपघातातील मृत तिघांची नावे असून हे तिघेही तलासरी तालुक्यातील रहिवासी आहेत. या अपघात प्रकरणी ट्रक चालकास कासा पोलिसांनी ताब्यात घेतले आहे.