चॉकलेटचं आमिष देत घरी नेलं; काही वेळाने ७ वर्षांचा मुलगा रडत-रडत आईजवळ आला अन्…

नागपूर: नागपुरातील जरीपटका परिसरात घरासमोर खेळणाऱ्या चिमुरड्याला चॉकलेटचे आमिष दाखवून त्याच्यावर लैंगिक अत्याचार केल्याची संतापजनक घटना समोर आली आहे. या प्रकरणी पोलिसांनी गुन्हा दाखल करून आरोपीला अटक केली आहे. स्टॅनली सिल्वेस्टन जोसेफ (२९, जरीपटका) असे आरोपीचे नाव आहे. तो गुन्हेगार आणि विकृत असून त्याच्याविरुद्ध वस्तीमध्ये तक्रार दाखल आहेत.

चॉकलेटचं आमिष दिलं अन् घरी नेऊन

३२ वर्षीय महिलेचा ७ वर्षांचा मुलगा मंगळवारी दुपारी अडीच वाजताच्या सुमारास घरासमोर खेळत होता. स्टॅनलीने त्याला एक चॉकलेट आणि १० रुपये दिले. त्यानंतर त्याला आणखी चॉकलेटचे आमिष दाखवून घरी नेले. तिथे त्याच्यावर लैंगिक अत्याचार केला. काही वेळाने मुलगा रडत घरी आला आणि त्याने घडलेला प्रकार त्याने आईला सांगितला. आईने तात्काळ जरीपटका पोलिसांत धाव घेतली आणि नराविरोधात तक्रार दाखल केली. गुन्हा दाखल झाल्यानंतर पोलिसांनी तात्काळ कारवाई करत स्टेनलीला अटक केली आहे.

पनवेलमध्ये बापाकडून मुलीवर लैंगिक अत्याचार, परिसरात संताप

तर इकडे पनवेलमध्ये एका बापानेच आपल्या मुलीवर अत्याचार केल्याची संताप आणणारी घटना घडली आहे. येथे एका खाटीक बापाने आपल्याच अल्पवयीन मुलीवर अत्याचार केले. इतकंच नाही तर यातून ती पीडित अल्पवयीन मुलगी गरोदर राहिली. जेव्हा अल्पवयीन मुलीची प्रकृती बिघडली तेव्हा तिची आई तिला रुग्णालयात घेऊन गेली. जेव्हा डॉक्टरांनी तिला तपासलं तेव्हा हे सारं समोर आलं. त्यानंतर तिच्या आईने तात्काळ पोलिसांत धाव घेत तक्रार दाखल केली. या प्रकरणामुळे पनवेलमध्ये संतापाची लाट उसळली आहे.