या प्रकरणाबाबत पोलिसांनी दिलेल्या माहितीनुसार, पीडितेने दिलेल्या फिर्यादीनुसार, मुंबई नाका पोलीस ठाणे हद्दीतील मदिना चौक भागात हा धक्कादायक प्रकार घडला आहे. पीडित आणि संशियत आरोपी हे एकमेकांना ओळखत होते. मागील अनेक वर्षांपासून त्यांच्यात प्रेमसंबंध असल्यातेही पीडितेने आपल्या तक्रारीत म्हटलेआहे. तसेच आरोपीने पीडितेला लग्नाचे आमिष दाखवत तिच्यावर वारंवार बलात्कार केल्याचा मुख्य आरोप या पीडित महिलेने केला आहे.
सोबतच पीडितेला अनेक वेळा मारहाण करत तिच्याकडून लाखोंची रक्कम उकळली असल्याचेही पीडितेने आपल्या फिर्यादीत म्हटले आहे. आरोपीला घर घेण्यासाठी पैशांची आवश्यकता भासली असताना आरोपीने पीडित महिलेकडून ३ लाख रुपयांची रक्कम घेतली. तसेच एकदा बुलेट ही दुचाकी घेण्यासाठी ८० हजार रुपये देखील घेतले. आरोपी इतक्यावरच न थांबता पुन्हा दुसरी दुचाकी घेण्यासाठी ८० हजार रुपये मारहाण करत घेतले, असे पीडितेचे म्हणणे आहे. पीडितेला आता हे सर्व सहन न झाल्याने पीडितेने पोलिसांत धाव घेत संशयिताच्या विरोधात तक्रार नोंदवली आहे.
याप्रकरणी मुंबई नाका पोलिसांनी आरोपीविरोधात बलात्काराबरोबरच फसवणूक करणे आणि आणखी विविध कलमांतर्गत गुन्हा दाखल करण्यात आला आहे. पोलिसांनी ही घटना गांभीर्याने घेतली असून या घटनेचा कसून तपास करण्यात येत आहेत. दरम्यान, या घटनेने परिसरात एकच खळबळ उडाली असून आरोपी विरोधात संताप व्यक्त करण्यात येत आहे. संतप्त झालेल्या नागरिकांकडून आरोपीला कठोरातील कठोर शिक्षा करण्याची मागणी होत आहे.