Agniveer Job: मुंबईसह आठ जिल्ह्यांत अग्निवीर भरती

Agniveer Job: मुंबईसह राज्यातील एकूण ८ जिल्ह्यांसाठी भरती प्रक्रिया सुरू झाली आहे. यासाठी उमेदवारांना १५ मार्चपर्यंत ऑनलाइन अर्ज करता येणार आहे. ही २०२३-२४ची भरती असेल. अग्निवीर जनरल ड्युटी, अग्निवीर तांत्रिक, अग्निवीर लिपिक/स्टोअर कीपर तंत्रज्ञ, अग्निवीर ट्रेड्समन (१० वी उत्तीर्ण) आणि अग्निवीर ट्रेड्समन (८ वी उत्तीर्ण) श्रेणींसाठी ही भरती होत आहे. मुंबई शहर, मुंबई उपनगर, नाशिक, रायगड, पालघर, ठाणे, नंदुरबार आणि धुळे या आठ जिल्ह्यांचे रहिवाशी असलेले उमेदवार यांत सहभागी होऊ शकतात. उमेदवारांना भारतीय लष्कराच्या www.joinindianarmy.nic.in या संकेतस्थळावर नोंदणी करून ऑनलाइन अर्ज करणे आवश्यक आहे. यशस्वीरित्या ऑनलाइन नोंदणी केलेल्या उमेदवारांची प्रवेशपत्रे त्यांच्या ई-मेल आयडीवर पाठवली जातील.

शैक्षणिक पात्रता

अग्निवीर (सामान्य ड्यूटी) (सर्व शस्त्र) या पदांसाठी अर्ज करणाऱ्या उमेदवारांनी कोणत्याही मान्यताप्राप्त बोर्ड किंवा संस्थेतून एकूण ४५ टक्के गुणांसह दहावी उत्तीर्ण असणे आवश्यक आहे. तसेच प्रत्येक विषयात ३३% गुण असावेत.

अग्निवीर (तांत्रिक) (सर्व शस्त्र) या पदांसाठी अर्ज करणाऱ्या उमेदवारांनी कोणत्याही मान्यताप्राप्त बोर्ड किंवा संस्थेतून भौतिकशास्त्र, रसायनशास्त्र, गणित आणि इंग्रजीसह विज्ञान विषयातील १०+२/इंटरमीडिएट परीक्षा किमान ५०% गुणांसह उत्तीर्ण असणे आवश्यक आहे.

अग्निवीर (लिपिक / स्टोअर कीपर टेक्निकल) (सर्व शस्त्र) या पदांसाठी अर्ज करणाऱ्या उमेदवारांनी कोणत्याही मान्यताप्राप्त बोर्ड किंवा संस्थेतून 60% गुणांसह इंटरमिजिएट (कला, वाणिज्य, विज्ञान) परीक्षा उत्तीर्ण असणे आवश्यक आहे.

BOI Recruitment: बँक ऑफ इंडियामध्ये बंपर भरती, ‘येथे’ पाठवा अर्ज
अग्निवीर ट्रेड्समन (सर्व शस्त्र) या पदांसाठी अर्ज करणाऱ्या उमेदवारांनी मान्यताप्राप्त शिक्षण संस्थेतून आठवी उत्तीर्ण असणे आवश्यक आहे.
या पदांसाठी अर्ज करणाऱ्या उमेदवारांची वयोमर्यादा १७ वर्षे ६ महिने ते २१ वर्षांपर्यंत असावे.

इंडियन आर्मी अग्निवीर भरती रॅली २०२३ निवड प्रक्रियेअंतर्गत पहिला टप्प्यात ऑनलाइन संगणक आधारित लेखी परीक्षा (ऑनलाइन CEE) आणि दुसऱ्या टप्प्यात भरती रॅली होणार आहे. अर्ज करणाऱ्या उमेदवारांना २५० रुपये अर्ज शुल्क भरावे लागतील.

राज्यातील विविध परीक्षा केंद्रांवर प्रवेशपत्रावर नमूद केलेल्या तारखेनुसार आणि वेळेनुसार ऑनलाइन संगणक-आधारित परीक्षा (ऑनलाइन सीईई ) घेतली जाईल. ऑनलाइन परीक्षा १७ एप्रिलपासून घेण्यात येणार आहे. ‘सीईई’ची गुणवत्ता यादी मे २०२३ मध्ये संकेतस्थळावर घोषित केली जाईल. त्यानंतर यशस्वी उमेदवार भरती मेळाव्याला नमूद वेळेत उपस्थित राहतील. शारीरिक चाचण्या आणि वैद्यकीय तपासणी ठिकाणाचा तपशील ‘रॅली अॅडमिट कार्ड’नंतर जारी केला जाईल. अंतिम गुणवत्ता यादीत निवड झालेल्या उमेदवारांना त्यानंतर राष्ट्रसेवेसाठी ‘अग्निवीर’ म्हणून भारतीय सैन्यात सामील होण्यासाठी बोलावले जाईल. अधिक माहितीसाठी www.joinindianarmy.nic.in वर जाऊन तपशील पाहावा किंवा ०२२-२२१५३५१० वर संपर्क साधावा.

Agniveer Job: भारतीय सैन्याकडून देशभरात बंपर भरती; आठवी, दहावी उत्तीर्णांना नोकरीची संधी
NPCIL Job: बारावी उत्तीर्णांना न्यूक्लियर पॉवर कॉर्पोरेशनमध्ये नोकरीची संधी, ‘येथे’ पाठवा अर्ज