OnePlus 11R : 100W चार्जिंग, 16GB रॅमच्या वनप्लसच्या फोनची उद्यापासून प्री-ऑर्डर

नवी दिल्लीः OnePlus 11R Pre-Order on February 21: वनप्लस ने ७ फेब्रुवारी २०२३ रोजी OnePlus 11R 5G स्मार्टफोन वरून पडदा हटवला होता. आता हा फोन अखेर उद्यापासून प्री बुकिंगसाठी उपलब्ध होणार आहे. लेटेस्ट वनप्लस फोनमध्ये क्वॉलकॉम स्नॅपड्रॅगन 8+ Gen 1 प्रोसेसर आणि 5000mAh ची बॅटरी दिली आहे. हँडसेट मध्ये १.५ हजार रिझॉल्यूशचा कर्व्ड डिस्प्ले आहे. वनप्लस 11R अलर्ट स्लाइडर सोबत येतो. या फोनमध्ये ५० मेगापिक्सलचा प्रायमरी सेन्सर व 100W फास्ट चार्जिंग सारखे फीचर्स दिले आहेत. जाणून घ्या या फोनसंबंधी डिटेल्स.

OnePlus 11R 5G Price in India
OnePlus 11R 5G च्या ८ जीबी रॅम व १२८ जीबी स्टोरेज व्हेरियंटची किंमत ३९ हजार ९९९ रुपये आहे. हँडसेटच्या १६ जीबी रॅम व २५६ जीबी स्टोरेजच्या व्हेरियंटची किंमत ४४ हजार ९९९ रुपये आहे. या फोनला उद्यापासून प्री बुक करता येवू शकते. हा फोन अमेझॉन आणि वनप्लस स्टोरवरून २१ फेब्रुवारी पासून प्री ऑर्डरसाठी उपलब्ध होईल. फोनला सोनिक ब्लॅक आणि गॅलेस्टिक सिल्वर कलर ऑप्शन मध्ये बुक करता येवू शकेल.

OnePlus 11R 5G Specifications
OnePlus 11R 5G मध्ये ६.७४ इंचाचा फ्लूड अमोलेड डिस्प्ले दिला आहे. जो 1.5K (2772 × 1240 पिक्सल) रिझॉलूशन ऑफर करतो. स्क्रीनचा पिक्सल डेनसिटी 450ppi आहे. तर रिफ्रेश रेट 120 हर्ट्ज़ आहे. स्क्रीन कर्व्ड आहे. HDR10+ सर्टिफिकेशन सोबत येतो. फोनमध्ये इन डिस्प्ले फिंगरप्रिंट स्कॅनर आणि स्क्रीन वर मध्यभागी पंच होल नॉच डिस्प्ले मिळतो. वनप्लसच्या या फोनमध्ये ऑक्टा कोर क्वॉलकॉम स्नॅपड्रॅगन 8+ Gen 1 प्रोसेसर आणि ग्राफिक्साठी एड्रेनो 730 GPU दिले आहे. फोनमध्ये १६ जीबी रॅम व २५६ जीबी पर्यंत इनबिल्ट स्टोरेज दिले आहे.

वाचाः १ मार्चला लाँच होणार Vivo V27 Series, पाहा कोणकोणत्या फोनची होणार एन्ट्री

हा फोन अँड्रॉयड 13 बेस्ड OxygenOS 13 वर रन करतो. या फोनमध्ये ट्रिपल रियर कॅमेरा सेटअप दिला आहे. फोनमध्ये ऑप्टिकल इमेज स्टेबिलाइज़ेशन सोबत ५० मेगापिक्सलचा सोनी IMX890 सेंसर आहे. याशिवाय, ८ मेगापिक्सलचा अल्ट्रा वाइड अँगल लेन्स आणि २ मेगापिक्सलचा मायक्रो कॅमेरा दिला आहे. सेल्फी आणि व्हिडिओ कॉलिंगसाठी १६ मेगापिक्सलचा फ्रंट कॅमेरा दिला आहे. वनप्लसच्या या स्मार्टफोनमध्ये 5000mAh ची बॅटरी दिली आहे. जी 100W SuperVOOC चार्जिंग सपोर्ट करते.

वाचाः जिओचा सर्वात स्वस्त प्लान, वर्षभराची वैधता, ९०० जीबी डेटा, अनलिमिटेड कॉलिंग