मार्चच्या पहिल्याच दिवशी बुध होणार अस्त; ‘या’ ५ राशींच्या खर्चात लक्षणीय वाढ, बजेट गडबडेल

होळीच्या ठीक एक आठवडा आधी म्हणजे १ मार्चला बुध कुंभ राशीत अस्त होत आहे. बुध अस्त झाल्यावर त्याचा शुभ प्रभाव कमी होऊ लागतो. याचा थेट परिणाम सर्व राशींच्या करिअर आणि आर्थिक स्थितीवर होतो. ज्या लोकांच्या कुंडलीत बुध मजबूत स्थितीत असतो, धनाच्या बाबतीत त्यांची स्थिती मजबूत राहते आणि जेव्हा बुध कमजोर असतो तेव्हा त्या राशीच्या लोकांना पैशाची कमतरता जाणवू लागते. बुधाच्या अस्तामुळे होळीच्या आधी ५ राशीच्या लोकांची आर्थिक स्थिती गडबडेल आणि परिणामी खिशाला कात्री लागू शकते.

मेष राशीवर बुध अस्तचा अशुभ प्रभाव

या महिन्यात ओढवलेली आर्थिक स्थिती पाहता तुम्हाला धक्का बसेल. बुध ग्रहाचा शुभ प्रभाव कमी झाल्यामुळे तुम्हाला तुमच्या कामाच्या ठिकाणी जितका लाभ अपेक्षित होता तितका नफा तुम्हाला मिळणार नाही. मोठे निर्णय घेताना आत्मविश्वास कमी राहील. बुध ग्रहाच्या अस्तामुळे व्यावसायिक जगाशी संबंधित लोकांसाठी समस्या निर्माण होतात असे मानले जाते. तुम्हाला जास्त मेहनत करावी लागेल आणि त्या प्रमाणात तुम्हाला कमी यश मिळेल. दैनंदिन खर्चात वाढ होईल. आजूबाजूचे वातावरण पाहून तुम्ही काळजीत पडाल. उपाय म्हणून दर बुधवारी गायीला गूळ खाऊ घाला.

कर्क राशीवर बुध अस्तचा अशुभ प्रभाव

कर्क राशीसाठी बुध ग्रहाचे अस्त होणे आर्थिक बाबतीत अशुभ आहे. यावेळी तुम्हाला कुठेही पैसे गुंतवू नका आणि जास्त खर्च टाळण्याचा सल्ला दिला जातो. अन्यथा, तुमची आर्थिक स्थिती बिघडू शकते आणि त्याचा तुमच्या बजेटवर परिणाम होऊ शकतो. घरातील सदस्यांशी तुमचा वाद होऊ शकतो आणि जुन्या गोष्टींवरून पुन्हा वाद होऊ शकतो, घरातील वातावरण बिघडू शकते. तुमच्यात आणि तुमच्या जोडीदारामध्ये मतभेद निर्माण होऊ शकतात आणि तुमच्या मुलांच्या वागणुकीबद्दल तुम्हाला काळजी वाटेल. पोटाशी संबंधित समस्या आणि आजार तुम्हाला त्रास देऊ शकतात. उपाय म्हणून दर बुधवारी दुर्गा चालिसाचा पाठ करा.

वृश्चिक राशीवर बुध अस्तचा अशुभ प्रभाव

तुमच्यासाठी बुध अस्तचा काळ करिअरच्या दृष्टीने अडचणीचा ठरू शकतो. तुमचे कोणत्याही कामात मन नाही लागणार. कामाच्या ठिकाणी चढ-उतार होऊ शकतात आणि अधिकाऱ्यांशी तुमचे संबंध बिघडू शकतात. जर तुम्ही व्यवसाय करत असाल तर हा काळ तुमच्यासाठी चांगला आहे, परंतु आता काही काळ कोणताही नवीन करार करू नका. आर्थिकदृष्ट्या हा काळ खूपच सरासरी असेल. एकीकडे तुमचे उत्पन्न चांगले असेल, पण दुसरीकडे जास्त खर्चामुळे तुम्ही काहीही वाचवू शकणार नाही. वैयक्तिक आयुष्यातही वाद वाढू शकतात. आपल्या कामावर लक्ष केंद्रित करणे आणि अनावश्यक समस्यांपासून दूर राहणे महत्वाचे आहे. उपाय म्हणून रोज हनुमान चालिसाचे पठण करावे.

धनु राशीवर बुध अस्तचा अशुभ प्रभाव

कोणताही निर्णय सांभाळून विचारपूर्वक घ्यावा लागेल. अन्यथा, नफ्याऐवजी नुकसान होऊ शकते. यावेळी कोणत्याही प्रकारच्या करिअर बदलापासून दूर राहा. तुम्ही जिथे काम करता त्यावर लक्ष केंद्रित करा आणि तिथे सुरू ठेवा. यावेळी भावंडांसोबतच्या नात्यात चढ-उतार दिसून येतील. वाढत्या खर्चाला आवर घाला आणि उत्पन्न आणि खर्चामध्ये समतोल साधण्याचा प्रयत्न करा. यावेळी, पैसे कमवण्यासाठी कोणत्याही प्रकारच्या शॉर्टकटपासून दूर राहा, अन्यथा तुमचे काम बिघडू शकते. उपाय म्हणून दर बुधवारी गाईला चारा खाऊ घाला.

मीन राशीवर बुध अस्तचा अशुभ प्रभाव

तुमच्या जीवनात उतार चढाव येईल. जीवन खूप अस्त व्यस्त होऊ शकते. जर तुम्ही नोकरी करत असाल तर तुमच्या कार्यक्षेत्रात असे बदल होतील जे तुम्हाला अपेक्षीत नाही. तुमच्यावर कामाचा बोजा अधिक राहील. तुम्हाला हवे असलेले परिणाम मिळविण्यासाठी तुम्हाला खूप प्रयत्न करावे लागतील. यावेळी तुमच्या खर्चातही लक्षणीय वाढ होईल. त्याच वेळी, तुम्हाला तुमच्या कौटुंबिक जीवनातही अनेक समस्यांना सामोरे जावे लागू शकते आणि तुमच्या जोडीदारासोबत सुसंवाद नसल्यामुळे तुमच्या घरातील वातावरण खूपच उदास होऊ शकते. आरोग्याच्या दृष्टीनेही हा काळ तुमच्यासाठी फारसा शुभ नाही. उपाय म्हणून रोज कपाळावर हळदीचा टिळा लावावा.