शनिप्रदोषला शनिपुष्य योगाचा महासंयोग, ‘या’ गोष्टी केल्याने लाभेल सुदृढ आरोग्य आणि धनसमृद्धी

शनिवार ४ मार्च रोजी होणारे शनिप्रदोष व्रत विशेष योगामुळे अधिक फलदायी झाले आहे. या दिवशी संध्याकाळी ६.४४ पर्यंत म्हणजेच उद्याच्या प्रदोषापर्यंत पुष्य नक्षत्राचा प्रभाव राहील. ज्योतिषशास्त्रात पुष्य हे २७ नक्षत्रांपैकी ८वे नक्षत्र असल्याचे सांगितले आहे. शनी हा या नक्षत्राचा स्वामी आहे तर चंद्राच्या चारही अवस्था पुष्य नक्षत्रात आहेत. हे नक्षत्र अतिशय शुभ आणि लाभदायक असल्याचे सांगण्यात आले आहे. अशा स्थितीत ४ मार्चला शनिप्रदोष व्रत ठेवणे अत्यंत शुभ आणि फलदायी ठरेल. या नक्षत्रात तुम्ही लाभ आणि समृद्धीसाठी काही सोपे उपाय देखील करू शकता.

शनि पुष्य नक्षत्राचा लाभ

जर तुम्हाला सोने, जमीन, घर यासारखी काही मोठी खरेदी करायची असेल तर या कामासाठी तुम्ही आज शनिप्रदोषाने तयार झालेल्या शनिपुष्य योगाचा लाभ घ्यावा. यामुळे तुम्हाला या खरेदीतून आनंद आणि लाभ मिळेल.

शनि पुष्य योगात शनिप्रदोषात ११ वेळा शनि स्तोत्राचा पाठ करा. यामुळे शनी ग्रहाच्या प्रतिकूल स्थितीपासून तुमचे रक्षण होईल आणि तुम्हाला शनी महाराजांची कृपा प्राप्त होईल. ५ मार्चपासून कुंभ राशीमध्ये शनिची ग्रहस्थिती आहे, त्यामुळे शनिदेवाच्या प्रसन्नतेसाठी हा उपाय अधिक फायदेशीर ठरेल.

काळे तीळ शनिदेवाशी संबंधित मानले जाते. शनिप्रदोष निमित्त शनिपुष्य योगामध्ये अडीच किलो किंवा २.५० ग्रॅम तीळ दान करा. ते तुमच्यासाठी खूप फायदेशीर ठरेल.

शनिप्रदोषाच्या दिवशी सूर्यास्ताच्या वेळी भगवान शिवाच्या महामृत्युंजय मंत्राचा जास्तीत जास्त जप करा. या योगात शनिसह इतर अशुभ ग्रहांचे प्रतिकूल परिणामही शिवाची पूजा केल्याने दूर होतात.

तुम्ही खूप दिवसांपासून आजारी असाल तर शनिप्रदोष व्रतात भगवान शंकराची पूजा करून औषध घ्या आणि बरे होण्यासाठी भगवान शिवाची प्रार्थना करा. शनिप्रदोष व्रतामध्ये औषधोपचार सुरू करणे विशेषतः फायदेशीर असल्याचे ज्योतिषशास्त्रात सांगण्यात आले आहे.

टीप : ही सर्व माहिती भाविकांची श्रद्धा लक्षात घेऊन दिली जात आहे, तुमच्या श्रद्धा आणि विश्वासावर ज्योतिष उपाय आणि सल्ला वापरून पाहा. याचा उद्देश फक्त तुम्हाला चांगला सल्ला देणे आहे. या संदर्भात आम्ही कोणताही दावा करत नाही.