Budget 2023: अर्थमंत्री देवेंद्र फडणवीस यांनी नुकताच विधानसभेत अर्थसंकल्प सादर केला. यावेळी शिक्षण विभागासाठी मोठा निधी जाहीर करण्यात आला. अंगणवाडीसेविका आणि शिक्षण सेवकांच्या पगारात भरघोस वाढ होणार असल्याचे जाहीर करण्यात आले आहे. अंगणवाडी कर्मचारी, अंगणवाडीसेविका, माध्यमिक, उच्चमाध्यमिक शिक्षणसेवकांमध्ये यामुळे आनंदाचे वातावरण आहे.
राज्यातील अंगणवाडी सेविका आणि मदतनीसांची २० हजार पदे भरली जाणार असल्याची मोठी घोषणा अर्थमंत्री देवेंद्र फडणवीस यांनी केली. यासोबतच अंगणवाडी सेविकांचे मानधन १० हजार रुपये करण्यात आले आहे तर अंगणवाडी मदतनीसांचे मानधन ४ हजार ५०० वरुन ५ हजार ५०० इतके करण्यात आले आहे.
राज्यातील अंगणवाडी सेविका आणि मदतनीसांची २० हजार पदे भरली जाणार असल्याची मोठी घोषणा अर्थमंत्री देवेंद्र फडणवीस यांनी केली. यासोबतच अंगणवाडी सेविकांचे मानधन १० हजार रुपये करण्यात आले आहे तर अंगणवाडी मदतनीसांचे मानधन ४ हजार ५०० वरुन ५ हजार ५०० इतके करण्यात आले आहे.
प्राथमिक, उच्च प्राथमिक शिक्षकांचे मानधन ६ हजारहून १६ हजारांवर तर शिक्षणसेवकांच्या मानधनात १० हजारने वाढ करण्यात आले आहे.
माध्यमिक शिक्षणसेवकांचं मानधन ८ हजाराहून १८ हजारांवर तर उच्च माध्यमिक शिक्षणसेवकांचे मानधन ९ हजारांहून २० हजारांवर नेण्यात आल्याची घोषणा देवेंद्र फडणवीस यांनी केली.
आशा सेविका आणि गट प्रवर्तकांच्या मानधनात प्रत्येकी दीड हजारांची वाढ करण्यात आल्याची घोषणा देखील करण्यात आली आहे.