या सीरिजअंतर्गत अनेक घड्याळे लॉन्च करण्यात आली आहेत. लॉन्च करण्यात आलेल्या स्मार्टवॉचमध्ये MARQ अॅथलीट, MARQ अॅडव्हेंचर, MARQ गोल्फर, MARQ कॅप्टन आणि MARQ एव्हिएटर यांचा समावेश आहे. एकूण पाच स्मार्टवॉचेस यावेळी सादर करण्यात आली आहेत. कंपनीचे म्हणणे आहे की हे प्रीमियम कलेक्शन खास उत्साही लोकांसाठी डिझाइन केले गेले आहे जे स्मार्टवॉचचा एक खास अनुभव घेऊ इच्छित आहेत. दरम्यान भारतातील सर्व Garmin MARQ Gen2 कलेक्शन स्मार्टवॉचची किंमत 1 लाख रुपयांच्या वर आहे. तर या कंपनीने लाँच केलेल्या विविध वॉचेसच्या किंमतीवर एक नजर फिरवू…
- गार्मिन मार्क II, करेज: २,१५,४९० रुपये
- गार्मिन मार्क II, ऍथलीट: १,९४.९९० रुपये
- गार्मिन मार्क II, एव्हिएटर: २,४६,४९० रुपये
- गार्मिन मार्क II, कॅप्टन: २,२५,९९० रुपये
- गार्मिन मार्क II, गोल्फर: रु २,३५,९९० रुपये
कुठे कराल खरेदी?
तुम्ही या कलेक्शनमधील कोणतेही घड्याळ ऑफलाइन आणि ऑनलाइन दोन्ही स्टोअरमधून खरेदी करू शकता. Garmin MARQ (Gen 2) कलेक्शन गार्मिन ब्रँड स्टोअर्स आणि जस्ट इन टाइम यासारख्या ठिकाणी ऑफलाइन उपलब्ध आहे आणि ई-कॉमर्स साइट Amazon, Tata Luxury आणि Synergizer वर ऑनलाइन उपलब्ध आहे.
Garmin MARQ Gen2 वैशिष्ट्ये
सर्व Garmin MARQ Gen2 घड्याळे मल्टी-बँड GNSS, मल्टी-फ्रिक्वेंसी GPS आणि Garmin SatIQ सपोर्टसह येतात जे त्यांना कोणत्याही वातावरणाच्या हिशोबाने टिकाऊ बनवतात. या स्मार्टवॉचमध्ये अनेक आरोग्य वैशिष्ट्ये देखील उपलब्ध आहेत, ज्यामध्ये हार्ट रेट, Spo2, हेल्थ ट्रॅकिंग अशी आरोग्याशी संबंधित वैशिष्ट्ये समाविष्ट आहेत.