भारतात कधी होणार लॉन्च?
Samsung ब्रँडचा हा आगामी फोन पुढील आठवड्यात 17 एप्रिल 2023 रोजी दुपारी 12 वाजता भारतीय बाजारपेठेत ग्राहकांसाठी लॉन्च केला जाईल. Amazon वर या फोनची खास जाहिरात करण्यात आली असून एक वेगळं पेजही तयार करण्यात आलं आहे. त्यामुळे अधिकृत लॉन्च झाल्यानंतर, Samsung Galaxy M14 5G स्मार्टफोन कंपनीच्या अधिकृत साइट व्यतिरिक्त Amazon वर उपलब्ध होईल हे निश्चित झालं आहे.
Samsung Galaxy M14 5G ची भारतात किंमत किती?
Samsung.com आणि Amazon वर Galaxy M14 5G साठी बनवलेल्या पेजवरून असे कळले आहे की कंपनीच्या या डिवाइसची सुरुवातीची किंमत 14 हजार रुपयांपेक्षा कमी असेल. कारण मायक्रोसाइटवर फोनची किंमत 13XXX इतकी नमूद करण्यात आली आहे. त्यामुळे ही किंमत १३००० ते १३९९९ इतक्यादरम्यान असून शकते. शक्यतो ही किंमत १३९९९ इतकीच असू शकते.
हे खास फीचर्स असणार!
फोनचा स्पीड वाढवून मल्टीटास्किंग करता यावी यासाठी, Samsung Galaxy M14 5G 5nm वर आधारित Exynos 1330 प्रोसेसर वापरण्यात आले आहेत. तसंच फोनमध्ये एक अत्यंत महत्त्वाची गोष्ट म्हणजे कॅमेरा. तर या फोनमधील कॅमेरा सेटअप म्हणाल तर 50 मेगापिक्सेल ट्रिपल रिअर कॅमेरा सेटअप आणि 13 मेगापिक्सेल सेल्फी कॅमेरा असं आहे. तसंच फोनची बॅटरी 25W फास्ट चार्ज सपोर्ट असलेली 6000 mAh इतकी आहे. ॲमेझॉन आणि सॅमसंग साइटवर बनवलेल्या पेजवरून असे समजले आहे की फोनची बॅटरी 155 तासांपर्यंत ऑडिओ प्लेबॅक टाइम, 27 तासांपर्यंत इंटरनेट सर्फिंग आणि 25 तासांपर्यंत व्हिडिओ प्लेबॅक पुरवू शकते. त्यामुळे कमी किंमतीत एक दमदार अनुभव ग्राहकांना हा फोन विकत घेऊन घेता येईल.
वाचा:घराचं होईल थिएटर! Home Theater घ्यायचा विचार करताय? १० हजारांच्या आत हे आहेत बेस्ट ऑप्शन