Find My Device म्हणजे नेमकं काय?
Find My Device हे फोन आणि स्मार्ट उपकरणांसाठी डिझाइन केलेले एक Google ॲप आहे. हे ॲप Google Play Store वर उपलब्ध आहे. या ॲपमध्ये तुम्ही तुमचे डिव्हाईस ॲड केल्यावर तुमच्या डिव्हाईसचं लोकेशन तुम्हाला कायम कळतं. हे ॲप विशेषत: फोन हरवल्यानंतर किंवा चोरीला गेल्यावर त्याचे लोकेशन जाणून घेण्यासाठी, फोन पूर्णपणे लॉक करण्यासाठी किंवा त्यात असलेला डेटा हटवण्यासाठी काम करते. Find My Device द्वारे, SOS मेसेज तुमच्या चोरीला गेलेल्या किंवा हरवलेल्या फोनवर पाठवले जाऊ शकतात आणि फोन डिस्प्लेवर कस्टमाइज्ड नोटिफिकेशन मेसेज देखील पाठवले जाऊ शकतात जे तुमच्या परवानगीशिवाय कोणीही काढू शकत नाही. हे Google अॅप Android OS आधारित मोबाइल फोन तसेच टॅब्लेट आणि स्मार्टवॉचवर डाउनलोड आणि इन्स्टॉल केले जाऊ शकते.
वाचाःWindow AC ला बाहेरच्या बाजुने का लावतात, कधी विचार केलाय?, जाणून घ्या नेमकं कारण
Find My Device कसं वापराल?
Find My Device चा वापर करण्यासाठी तुम्ही Google Play Store वरून हे अॅप डाऊनलोड करून तुमच्या स्मार्टफोनवर इन्स्टॉल करु शकता. अॅप इन्स्टॉल केल्यानंतर तुम्हाला तुमच्या Gmail अकाउंटने या अॅपमध्ये लॉग इन कराल. अकाऊंट लॉगिन करताना तुम्हाला या ॲलिकेशनला लोकेशन, इंटरनेट, कॉल लॉग इत्यादींचा अॅक्सेस देखील द्यावा लागतो. तुमचा मोबाईल फोन हरवला किंवा चोरीला गेल्यास, तुम्हाला दुसर्‍या Android फोनवर Find My Device ॲप इंस्टॉल करावे लागेल. हरवलेल्या फोनमध्ये एंटर केलेल्या जीमेल खात्याने ॲपमध्ये लॉग इन करावे लागेल. तुम्ही लॉग इन करताच तुमच्या हरवलेल्या फोनची सर्व माहिती दिसेल. याठिकाणी फोनचं नाव, त्याचं लास्ट लोकेशन, बॅटरी टक्केवारी आणि कनेक्ट केलेले नेटवर्क असं सारं दिसेल.
वाचाःPhone Hacked: ‘या’ पाच गोष्टी होत असतील तर समजा हॅक झालाय तुमचा फोन, होऊ शकतो मोठा तोटा
प्ले साऊंड
Find My Device हे वापरकर्त्यांसाठी तीन प्रकारे फायदेशीर ठरते. जेव्हा तुम्ही फोन घरी किंवा ऑफिसमध्ये कुठेतरी ठेवायला विसरला असाल आणि तो सायलेंट मोडवर असेल तेव्हा पहिला पर्याय सर्वात उपयुक्त आहे. तुम्ही शोध घेऊनही फोन सापडला नाही, तर ‘प्ले साउंड’ फायदेशीर ठरते. तुम्ही अॅपमधील प्ले साउंड ऑप्शन दाबताच तुमचा फोन वाजायला सुरुवात होईल. हे एक लाऊड नोटिफिकेशन म्युझिक असेल जे सतत प्ले होईल. फोन सायलेंट किंवा व्हायब्रेट मोडवर असला तरीही हा आवाज काम करेल, जो फोन शोधण्यात उपयुक्त ठरेल.
वाचाःJio ची भन्नाट ऑफर, ९१ रुपयांमध्ये अनलिमिटेड कॉलिंगसोबत OTT आणि बरच काही…
डिव्हाइस सिक्यूर करा
फाइंड माय डिव्‍हाइसचा हा दुसरा पर्याय कोणत्‍याही बाहेरील व्‍यक्‍तीला तुमच्या फोनला अॅक्सेस करण्यापासून रोखू शकतो. एवढेच नाही तर या पर्यायाद्वारे तुम्ही तुमच्या हरवलेल्या फोनच्या डिस्प्लेवर असा मेसेज पाठवू शकता, ज्यानंतर तो स्क्रीनवर सतत वॉलपेपरसारखा दिसेल आणि कोणीही तो काढू शकणार नाही. मेसेजसोबत तुम्ही तुमचा फोन नंबरही त्या मोबाईल डिस्प्लेवर टाकू शकता. इथे चांगली गोष्ट म्हणजे चोरीला गेलेल्या फोनच्या स्क्रीनवर तुमचा नंबर नाही तर फक्त एक कॉलिंग बटण दिसेल, जे दाबल्यावर तुम्ही मेसेज केलेल्या नंबरवर कॉल येईल. Find My Device च्या या ऑप्शनमध्ये मेसेज पाठवताच तो फोन लॉक होईल आणि त्याचे कोणतेही फीचर काम करणार नाही.
वाचाःफास्ट चार्जिंग फीचर तुमच्या स्मार्टफोनसाठी किती फायद्याचं किती तोट्याचं?
इरेस डिव्हाइस
नावाप्रमाणेच, हा पर्याय तुमच्या चोरीला गेलेल्या फोनवरील सर्व डेटा डिलीट करण्यासाठी आहे. म्हणजेच तो फॉरमॅट होऊन सर्व डाटा पूर्णपणे नष्ट करेल. तुम्ही तुमचा फोन परत मिळणार नाही असं वाटत असेल किंवा फारच खाजगी कोणत्या गोष्टी फोनमध्ये असतील तर हा पर्याय फायदेशीर आहे. कारण एकदा तुम्ही डिव्हाइस इरेस केल्यावर तुम्हाला डाटा परत मिळणार नाही. अॅप डेटा हटवल्यानंतर, तुम्ही तुमचा फोन ट्रॅक करू शकणार नाही. Find My Device चा हा पर्याय तुमच्या डेटाचा गैरवापरापासून संरक्षण करतो आणि तुमच्या फोनवरून सर्व माहिती, फोटो, व्हिडिओ, कॉन्टॅक्ट लिस्ट, मेसेज आणि बँक तपशील इ. काढून टाकतो.
वाचा:घराचं होईल थिएटर! Home Theater घ्यायचा विचार करताय? १० हजारांच्या आत हे आहेत बेस्ट ऑप्शन