​5G Network : रॉकेटच्या स्पीडनं डाऊनलोड होतील 4K मूव्हीज, 5G नेटवर्कवर स्विच करण्याचे हे आहेत खास फायदे

Upgrade to 5G Network:आधी 2G मग 3G आणि आता 4G नंतर 5G चं युग आलं आहे. एकीकडे दूरसंचार कंपन्या Airtel-Jio ने त्यांच्या सर्कलमध्ये 5G सेवा देण्यास सुरुवात देखील केली आहे. भारतातील अनेक शहरांमध्ये 5G नेटवर्क सुरू ही करण्यात आलं आहे. बऱ्याच मोबाईल युजर्सनी त्याचा वापर देखील सुरू केला आहे. 4G च्या तुलनेत 5G नेटवर्क फास्ट असणार हे आपण जाणतो. पण याचे इतरही दमदार फायदे आहेत. एकीकडे बरेचजण 5G वापरत आहेत पण बर्‍याच लोकांना ते काय आहे? आणि त्याचे फायदे काय आहेत? हे माहित नाही. जर तुम्ही देखील 5G वापरत असाल, तर आम्ही तुम्हाला 5G म्हणजे काय? आणि त्याचे फायदे काय आहेत? ते सांगणार आहोत… चला तर जाणून घेऊ 5G म्हणजे काय?

5G म्हणजे काय?

5G हे सुपरफास्ट नेटवर्क आहे. हे 5व्या पिढीचे मोबाईल नेटवर्क आहे. 1G, 2G, 3G आणि 4G नेटवर्क नंतर हे एक नवीन जागतिक वायरलेस स्टँडर्ड आहे. 5G नवीन प्रकारचे नेटवर्क असून याचा स्पीड अफलातून आहे. सतर 5G वायरलेस तंत्रज्ञान हायमल्टी Gbps पीक डेटा स्पीड, अल्ट्रा लो लेटन्सी, अधिक विश्वासार्हता, प्रचंड दमदार नेटवर्क या साऱ्या क्षमतांसह येते. तर या नेटवर्कचे बरेच फायदे असून त्यातील काही खास अशी वैशिष्ट्ये देखील जाणून घेऊ…

​वाचाःWindow AC ला बाहेरच्या बाजुने का लावतात, कधी विचार केलाय?, जाणून घ्या नेमकं कारण

ब्राउझिंग होईल सुपरफास्ट

जेव्हा आपण इंटरनेटवर किंवा कोणत्याही अॅपवर काहीतरी ब्राउझ करतो तेव्हा आपल्याला वाटते की आपण जे उघडतो ते लवकर उघडले पाहिजे. आपल्याला वाट पाहावी लागणार नाही. पण हे किती वेळा घडते? फोनवर ब्राउझिंग करताना तुम्हाला वेगवान गतीची आवश्यकता असते. तुम्हाला 5G मध्ये अशीच दमदार वेगान स्पीड मिळेल. असं म्हटलं जात आहे की 5G चा स्पीड 4G पेक्षा 100 पट जास्त आहे.
​

वाचाःPhone Hacked: ‘या’ पाच गोष्टी होत असतील तर समजा हॅक झालाय तुमचा फोन, होऊ शकतो मोठा तोटा

सीमलेस स्ट्रिमिंग

जेव्हाही तुम्ही फोनवर व्हिडिओ पाहतो तेव्हा तो न थांबता प्ले व्हावा असं आपल्याला वाटतं. बफरिंग होऊ नये असंच वाटतं. पण 4G नेटवर्कमध्ये व्हिडिओ पाहताना अनेक वेळा बफरिंग सुरू होतं. यामुळे फोनचा व्हिडिओ अनुभव खराब होतो. पण 5G मध्ये तुम्हाला कोणत्याही प्रकारची अशी अडचण येणार नाही. यामध्ये तुम्हाला सीमलेस स्ट्रीमिंगची सुविधा मिळेल.

​वाचाःJio ची भन्नाट ऑफर, ९१ रुपयांमध्ये अनलिमिटेड कॉलिंगसोबत OTT आणि बरच काही…

​स्पीड 1Gbps पर्यंत उपलब्ध असणार

तर 4G च्या तुलनेत तुम्हाला 5G मध्ये वेगवान स्पीड मिळेल. तुम्ही असंही म्हणू शकता की तुम्हाला रॉकेटस्पीड सारखा वेग मिळेल. रिपोर्ट्सनुसार, 4G 150Mbps पर्यंत अपलोड स्पीड आणि 50Mbps पर्यंत डाउनलोड स्पीड प्रदान करते असे म्हटले जाते. पण 5G मध्ये तुम्हाला 1Gbps पर्यंत इन्स्टंट डाउनलोड स्पीड दिली जाईल. ज्यामुळे तुमचे 4K चित्रपट देखील काही वेळातच लगेचच डाउनलोड होऊ शकतात.

वाचाःफास्ट चार्जिंग फीचर तुमच्या स्मार्टफोनसाठी किती फायद्याचं किती तोट्याचं?

भारतात 5G चं जाळं पसरतंय

सध्या जिओ, एअरटेल आपली 5G सेवा देशभरात विस्तारत आहेत.जिओने आतापर्यंत २,३४५ शहरांमध्ये, ३४ राज्यांमध्ये 5G सेवा सुरुवात सुरुवात केली आहे. दुसरीकडे एअरटेल सध्या ५०० हून अधिक शहरात 5G सेवा देत आहे. नुकताच त्यांनी बुधवारी (१२ एप्रिल) लदाखसारख्या उंच ठिकाणीही 5G सेवा सुरु केली. सर्वच ग्राहक या 5G सेवांचा उपभोग घेऊ शकणार असून 4G च्या तुलनेत २० ते ३० टक्के अधिक फास्ट स्पीड देणार आहे.

​​वाचा:घराचं होईल थिएटर! Home Theater घ्यायचा विचार करताय? १० हजारांच्या आत हे आहेत बेस्ट ऑप्शन