Mobile Recharge : जिओसह एअरटेलचे स्वस्तात मस्त रिचार्ज, फ्री कॉलिंगसह अनलिमिटेड 5G डेटाचीही सोय

नवी दिल्ली :Reliance Jio and Airtel Affordable Recharge: लोकांमध्ये वाढता मोबाईलचा वापर आणि सर्वकाही डिजीटल होत असल्याने आता इंटरनेट फार गरजेची गोष्ट आहे. अशामध्ये 5G इंटरनेटही आता भारतात लॉन्च झाल्यामुळे अनेकजण याचा फायदा घेत आहेत. दरम्यान भारतात सध्या जिओ आणि एअरटेल अशा कंपन्यांनी 5G ची सुविधा आणली आहे. त्यामुळे बरेचजण 5G चा लाभ घेण्यासाठी या कंपन्यासोबत जोडले जात असून दोघांमध्ये आता ग्राहक वाढवण्याची चुरस आहे. अशामध्ये दोघांनीही एकापेक्षा एक भारी रिचार्ज प्लॅन आणले असून स्वस्तात मस्त रिचार्ज प्लॅनमध्ये ग्राहकांना बऱ्याच सोयी-सुविधांसह अनलिमिटेड 5G डेटाचीही सोय आहे. तर नेमके हे प्लॅन कोणते आहेत? ते पाहू…

रिलायन्स जिओचे दमदार रिचार्ज

जिओचा २१९ रुपयांचा प्लॅन
तर रिलायन्स जिओ देत असलेला या प्लॅनमध्ये दररोज ३जीबी डेटा दिला जातो. तसंच या प्लॅनमध्ये २जीबीचा अधिकचा डेटाही ग्राहकांना दिला जातो. तसंच 5G चा लाभ घेण्याऱ्यांसाठी अनलिमिटेड 5G डेटाचीही सोय
करण्यात आली आहे. या रिचार्जची वैधता १४ दिवसांची आहे. याशिवाय अनलिमिटेड कॉलिंगसह दरदिवसाला १०० SMS ची सुविधाही आहे.

जिओचा ३९९ रुपयांचा प्लॅन
२८ दिवसांच्या वैधतेसह येणाऱ्या प्लॅनमध्ये देखील तुम्हाला दररोजसाठी ३जीबी डेटा दिला जाणार आहे. तसंच ६जीबी अधिकचा डेटाही मिळणार असल्याने एकूण ९०जीबी डेटा मिळेल. तसंच 5G चा लाभ घेण्याऱ्यांसाठी अनलिमिटेड 5G डेटा मिळणार आहे. याशिवाय अनलिमिटेड कॉलिंगसह दरदिवसाला १०० SMS ही मिळणार आहेत.

एअरटेलचे रिचार्जही आहेत भारी

एअरटेलचा ३९९ रुपयांचा प्लॅन
या रिचार्जमध्ये एअरटेल जिओप्रमाणे दरदिवसाला ३जीबी डेटा देते. यातही अनलिमिटेड 5G डेटा आधीपासून 5G चा वापर करणाऱ्यांसाठी आहे. तसंच अनलिमिटेड कॉलिंगसह दरदिवसाला १०० SMS ही मिळणार आहेत. विशेष गोष्ट म्हणजे एअरटेलच्या Xstream अॅपचं एक्सेसही मिळणार आहे.

एअरटेलचा ४९९ रुपयांचा प्लॅन
या प्लॅनची वैधता २८ दिवस असून यातही दररोज ३जीबी डेटा दिला जात आहे. तसंच ज्याठिकाणी 5G नेटवर्कची सुविधा आहे अशा ठिकाणच्या युजर्सना अनलिमिडेट 5G डेटा मिळणार आहे.तसंच हा प्लॅन घेणाऱ्यांना तीन महिने डिज्नी प्लस हॉटस्टार मोबाईल सब्सक्रिप्शन आणि एअरटेलच्या Xstream अॅपचं एक्सेसही मिळणार आहे.

वाचा :Netflix, Prime, Hotstar: आता अनलिमिटेड मूव्हीसह, वेब सीरीजचीही घ्या मजा, पाहा सर्व प्लॅन्सची माहिती सविस्तर