Airtel 5G : एअरटेल युजर्ससाठी गुड न्यूज! ३,००० शहरांमध्ये सुरु झाली 5G ची सुविधा

नवी दिल्ली :Airtel 5G network: आजकाल सर्वाधिक गोष्टी या ऑनलाईन होत असतात. ऑफिसच्या कामापासून ते शाळाही ऑनलाईन झाल्यानं बऱ्याच गोष्टी या इंटरनेटवर अवलंबून असल्यानं प्रत्येकालाच आजकाल इंटरनेटची गरज लागते. तेही वेगवान हवं असतं. म्हणूनच आता 4G नेटवर्क जाऊ त्याची जागा 5G नेटवर्कने घेतली आहे. भारतात सद्यस्थितीला तरी रिलायन्स जिओ आणि एअरटेल हे दोनच नेटवर्क 5G सुविधा देत आहेत. दरम्यान आता जिओ पाठोपाठ एअरटेलनंही अधिकाधि शहरांत ५जी सुविधा देण्यास सुरुवात केली आहे.नुकतीच कंपनीनं ग्राहकांना आनंदाची बातमी दिली असून ३००० शहरांमध्ये आता एअरटेलची ५जी सुविधा लाईव्ह झाल्याची घोषणा केली आहे. कंपनी अगदी जम्मूच्या कटरापासून ते केरळच्या कुन्नूरपर्यंत आणि बिहारच्या पटनापासून ते तामिळनाडूच्या कन्याकुमारीपर्यंत तसंच अरुणाचल प्रदेशच्या ईटानगरपासून ते केंद्रशासित प्रदेश दमन-दीवपर्यंत एअरटेल ५जी नेटवर्क असल्याचं कंपनीनं सांगितलं आहे.

वाचाःफास्ट चार्जिंग फीचर तुमच्या स्मार्टफोनसाठी किती फायद्याचं किती तोट्याचं?

जिओ ५जी नेटवर्क ३०८९ शहरांत लाईव्ह
दुसरीकडे रिलायन्स जिओने मागील काही दिवसांरपूर्वीच बऱ्याच शहरात 5G नेटवर्क सुरु केलं. त्यामुळे आता त्यांचं ५जी नेटवर्क देशांतील ३,०८९ शहरांत ५जी नेटवर्क लाईव्ह आहे. यामुळे अनेक जिओ युजर्सना या सुविधेचा लाभ घेता येणार असून विशेष म्हणजे इतक्या जास्त शहरांत 5G सेवा पुरवणारा रिलायन्स पहिलं टेलिकॉम नेटवर्क बनलं आहे. दरम्यान जिओचं 5G नेटवर्क अगदी कमी लॅटेन्सीवर दमदार असा डिजीटल एक्सपीरियन्स देतो. दरम्यान ज्या शहरांमध्ये 5G नेटवर्क आहे,त्याठिकाणी 1gbps च्या स्पीडने इंटरनेट सुविधा युजर्सना मिळणार असून बऱ्याच वेलकम ऑफर्सही जिओकडून दिल्या जात आहेत.

स्पीड कोणाचं भारी?
5G नेटवर्क पुरवण्याच्या बाबतीत रिलायन्स जिओने बाजी मारली आहे. ओपनसिग्नलच्या रिपोर्टनुसार जिओ युजर्स भारतात सद्यस्थितीताल सर्वात फास्ट 5G नेटवर्क पुरवत आहेत. जिओ तब्बल 315.3 Mbps च्या स्पीडने 5G सुविधा पुरवत आहेत. त्यांचा स्पर्धक एअरटेलपासून ते फार पुढे आहेत. एकूण डाऊनलोड स्पीडचा विचार करता जिओ एअरटेलपेक्षा 4.5 Mbps म्हणजेच २४.७ टक्के अधिक वेगवान आहे.

वाचा :Smartphone Explode : हीच ‘ती’ ८ कारणं ज्यामुळे स्मार्टफोनचा स्फोट होतो, ‘अशी’ घ्या काळजी