Unlimited 5G Data : आता अनलिमिटेड 5G डेटा मिळणं होणार बंद? TRAI चा टेलिकॉम कंपन्यांना झटका

नवी दिल्ली :TRAI on Unlimited 5G Data : आता सर्वत्र ४जी नेटवर्क जाऊन ५जी नेटवर्क येत आहे. सध्या भारतात जिओ आणि एअरटेल या दोन्ही कंपन्या आपल्या युजर्सना ५जी इंटरनेट नेटवर्कची सुविधा देत आहेत. त्यात त्यांच्या ४जी प्लान्समध्ये अनलिमिटेड ५जी डेटा देखील मिळत आहे. पण एका इंग्रजी वृत्तपत्राच्या रिपोर्टनुसार टेलिकॉम रेग्युलेटरी अथॉरिटी ऑफ इंडिया अर्थात TRAI जिओ आणि एअरटेल या दोन्ही कंपन्यांना अनलिमिटेड ५जी डेटा ऑफर करण्यापासून रोखणार आहे. दरम्यान TRAI हे पाऊल वोडाफोन आणि आयडिया कंपनीच्या एका तक्रारीनंतर घेणार अशी चर्चा आहे. एअरटेल कमी किंमतीत अनलिमिटेड ५जी डेटा देत असल्याने आमचे ग्राहक कमी होत असल्याची तक्रार वोडाफोन आयडियाने केली होती.

Vi ची ५जी सर्व्हिस अद्यापही सुरु नाही

वोडाफोन आयडियाचा आरोप आहे की, जिओ आणि एअरटेल यांचा मार्केटमध्ये दबदबा आहे. त्यांचे प्रत्येक सर्कलमध्ये मार्केट शेअर ३० टक्क्यांहून देखील अधिक आहेत. यामुळे त्यांना अनलिमिटेड ५जी डेटा देणं परवडत असून आमच्यासाठी हा तोट्याचा व्यवहार आहे. दरम्यान वोडाफोन आयडियाने अजून ५जी सेवा सुरु केली नसली तरी ते सिमकार्ड ५जी रेडी देत आहेत. दुसरीकडे जिओ, एअरटेलनं ४जी पॅक्सनाच ५जी केलं आहे.

वाचा: घराचं होईल थिएटर! Home Theater घ्यायचा विचार करताय? १० हजारांच्या आत हे आहेत बेस्ट ऑप्शन

अनलिमिटेड डेटा देणं FUP विरोधात

तर FUP म्हणजे काय? तर फेअर युसेज पॉलिसी. दरम्यान ही पॉलिसी सर्व टेलिकॉम कंपन्यांना लागू होते. त्यामुळे कोणती ही कंपनी अनलिमिटेड डेटा देत असेल तर हे या FUP विरोधात असल्याचं समोर येत आहे. त्यामुळे TRAI जिओ आणि एअरटेल यांना अनलिमिटेड सेवा देण्यापासून रोखू शकतात.

वाचाःPhone Hacked: ‘या’ पाच गोष्टी होत असतील तर समजा हॅक झालाय तुमचा फोन, होऊ शकतो मोठा तोटा