स्नेक गेमची मजा पुन्हा घेता येणार, २२ दिवसांपर्यंतची बॅटरी लाईफही, पाहा नोकियानं आणलेले तीन जबरदस्त फोन्स

नवी दिल्ली : Nokia Budget Phones : एकेकाळी सर्वत्र फक्त नोकियाचे फोन्सच दिसायचे. पण हळूहळू अॅन्ड्रॉईड फोन्स येऊ लागले आणि नोकिया स्मार्टफोन्सच्या रेसमध्ये अधिक पुढे जाऊ न शकल्याने आपोआपच मागे पडली. पण आजही टिकाऊ फोन म्हटलं तर नोकियाच्या फोन्सची ओळख आहे. दरम्यान त्यांचे साधे पण उपयोगी फीचर्स असणारे फोन अजूनही बाजारात असून आता तीन मॉडेल्स नव्याने समोर येत आहेत. Nokia ने एकाच वेळी आपले तीन नवीन फीचर फोन Nokia 110 (2023), Nokia 105 (2023) आणि Nokia 106 सादर करत आहे.हे फोन मजबूत बॅटरी लाइफ आणि वायरलेस एफएम रेडिओ अशा फीचर्ससह येतील. नोकिया 106 मध्ये म्युझिक प्लेयर आणि सर्वांचा फेव्हरेट स्नेक गेम देखील उपलब्ध आहे. त्याच वेळी, नोकिया 105 मध्ये टॉर्च आणि सामान्य कॉल मेनूचा सपोर्ट आहे. नोकिया 110 आणि नोकिया 105 नवीन व्हर्जनमध्ये सादर करण्यात आले आहेत. नोकिया 106 मजबूत बिल्ड आणि दमदार डिझाइनमध्ये दिसत आहे.

वाचाः Gaming Laptops : आता गेम खेळणं होईल अगदी खरंखुरं! ‘हे’ टॉप ५ गेमिंग लॅपटॉप आहेत बेस्ट

नोकियाच्या लेटेस्ट फोन्सचे स्पेसिफिकेशन्स
नोकिया 106 तुम्हाला एफएम रेडिओ, स्नेक आणि फ्लॅशलाइटसह एमपी3 प्लेयर देते आणि तुम्हाला एका चार्जवर २२ दिवस स्टँडबाय आणि १२ तास कॉल्स मिळतात. MP3 प्लेयर वापरण्यासाठी तुम्हाला मायक्रो SD कार्ड खरेदी करावे लागेल. नोकिया 106 रेड, सियान आणि ब्लॅक या तीन रंगांमध्ये उपलब्ध आहे.
दुसरीकडे नोकिया 105 कॉलिंगसाठी बेस्ट आहे. तसंच वायरलेस एफएम रेडिओ ऐकू शकता आणि फ्लॅशलाइट म्हणून वापरू शकता. हे तिन्ही स्मार्टफोन 2G कनेक्टिव्हिटीसह सादर करण्यात आले आहेत. नोकिया 110 (2023) चा एक 4G व्हेरियंट देखील आहे जो आधी तो सादर केला गेला होता, परंतु 2G कनेक्टिव्हिटी व्यतिरिक्त त्यात समान फीचर्स आहेत, ज्यामुळे हा फोन अधिक परवडणारा आहे. कंपनी लवकरच Nokia 110 4G Pro देखील सादर करू शकते. याशिवाय Nokia 106 चे 4G व्हर्जन लवकरच बाजारात येऊ शकते. कारण काही टेक वेबसाइट्सने नुकतच याया फोनसाठीही प्रमाणपत्र जारी केलं आहे. म्हणजेच Nokia 110 4G आणि Nokia 105 4G चे प्रो व्हर्जन देखील लॉन्च केले जातील.

वाचा : समोरच्याला न सांगता त्याची लोकेशन आता ट्रॅक करता येणार, Google Map ची ‘ही’ आहे खास ट्रिक