Google Pixel 7a लाँच होताच Pixel 6a झाला स्वस्त, तब्बल १७,००० हून अधिकची सूट

नवी दिल्ली : Google ची वार्षिक विकासक परिषद Google I/O 2023 बुधवारी (१० मे) रात्री पार पडली. ज्यामध्ये गुगुलने काही नवनवीन प्रोडक्ट्सही लाँच केले. यामध्ये एक मिड बजेट गुगल फोन Pixel 7a कंपनीने अधिकृतपणे सादर केला. दरम्यान हा फो लाँच झाल्याने याचा आधीचा मॉडेल Google pixel 6a ची किंमत उतरली आहे. हा फोन मोठ्या डिस्काउंटसह आता उपलब्ध झाला आहे. त्यामुळे गुगल फोन घेऊ इच्छिनाऱ्यांसाठी ही एक भारी संधी आहे.

हा Google pixel 6a फोन फ्लिपकार्टवर मूळ किंमतीपेक्षा तब्बल १७,००० रुपये कमी किंमतीत विकला जात आहे. तसंच बँक ऑफर्सचा फायदा उचलल्यास या फोनची किंमत २५,००० रुपयांपर्यंत पोहोचेल. तसंच ग्राहक हवं असल्यास आपला जुना फोन एक्सचेंज देखील करु शकतात. तर एकंदरीत काय तर भारी गुगल फोनच्या अनुभवासाठी हा Google pixel 6a फोन विकत घेण्याची ही भारी संधी आहे

भारतात या फोनची किंमत ४३,९९९ रुपये आहे. पण फ्लिपकार्टवर सध्या यावर तब्बल३६ टक्के इतकं डिस्काउंट मिळत असल्याने याची किंमत थेट २७,९९९ रुपये झाली आहे. म्हणजेच जवळपास १६००० तुम्ही आता वाचवू शकता. तसंच जर HDFC बँक क्रेडिट कार्डने EMI वर फोन घेतल्यास तुम्ही आणखी १२५० रुपयांची सूट मिळवू शकता. याशिवाय फ्लिपकार्ट अॅक्सिस बँक कार्डने पे केल्यावरही ५ टक्के कॅशबॅक मिळू शकते. याशिवाय हा फोन घेणाऱ्यांना Google Pixel Buds A Series हे इअरबड्सही ४,९९९ या डिस्काउंटेड प्राईसमध्ये मिळतील. तसंच जुना फोन एक्सचेंज करणाऱ्यांना २० हजारांपेक्षा अधिक सूट मिळू शकते. पण त्यासाठी जुन्या फोनची कंडीशन तितकी चांगली हवी.

वाचाः ChatGPT की मानवी मेंदू, कोण जास्त तल्लख? इन्फोसिसच्या नारायण मूर्ती यांचं मोठं विधान

Google pixel 6a स्पेसिफिकेशन्स
Google pixel 6a हा ६जीबी रॅम आणि १२८जीबी स्टोरेजसह येतो. याचा डिस्प्ले ६.१ इंच फुल एचडीप्लस OLED कॉर्निंग गोरिल्ला ग्लास ३ च्या सुरक्षेने सुसज्ज आहे. तसंच या फोनमध्ये Google Tensor चिप दिली आहे. कॅमेरा म्हणाल तर ड्युअल कॅमेरा सेटअप असून १२.२ मेगापिक्सलचा वाईड कॅमेरा आणि १२ मेगापिक्सलचा अल्ट्रा वाईड कॅमेरा आहे. ८ मेगापिक्सल सेल्फी कॅमेरा आहे. बॅटरी म्हणाल तर 4410mAh इतरी आहे.

वाचाः फास्ट चार्जिंग फीचर तुमच्या स्मार्टफोनसाठी किती फायद्याचं किती तोट्याचं?