एलन मस्कचं ट्विटर युजर्सना खास गिफ्ट, आता दोन तासांचा व्हिडिओही अपलोड करता येणार

नवी दिल्ली :Twitter Blue Subscription : ट्विटर युजर्सना एलन मस्कने एक खास गिफ्ट दिलं आहे. ज्यामुळे आता ट्विटरवर युजर्सना तब्बल दोन तासांचा व्हिडिओ अपलोड करता येणार आहे. गुरुवारी रात्री याबाबतची घोषणा करण्यात आली. ट्विटरवर युजर्सना कोणत्याही विषयावरचे दोन तासांचे व्हिडिओ पाहता येणार आहेत. पण ही सुविधा केवळ ब्लु टिक सब्सक्रिप्शन घेतलेल्यांनाच वापरता येणार आहे.एलन मस्कने गुरुवारी रात्री आपल्या ट्विटर अकाउंटवरून याबाबतची माहिती दिली आहे. ब्लू टिक सब्सक्रिप्शन घेतलेल्या अकाउंटवरून दोन तासांचा म्हणजे 8 gb पर्यंतचा व्हिडीओ अपलोड करू शकणार आहेत. पण नॉन ब्लू टिक सब्सक्रायबर्सना केवळ १४० सेकंदाचा म्हणजे २ मिनिट २० सेकंद इतकाच व्हिडिओ अपलोड करू शकणार आहेत. मात्र नवी सुविधा केवळ ब्लू टिक सब्सक्रीप्शन घेणाऱ्या ग्राहकांना मिळणार आहे.

ट्विटरकडून ब्लू टिक सब्सक्रायबर्सना मिळतात या सुविधा

ट्विटर वर ब्लू टिक
सब्सक्रायब केलेल्या युजर्सना काही विशेष सुविधा उपलब्ध करून दिल्या आहेत. या अंतर्गत या सब्सक्रायबर्सना एखादे ट्विट पोस्ट केल्यानंतर पुढच्या अर्ध्या तासात किमान ५ वेळा त्यात बदल करू शकतात. सोबतच शब्दमर्यादा देखील अधिकची देण्यात आली आहे ज्यात एक ट्विट दहा हजार शब्दांचे पोस्ट करू शकतात. तसेच जास्त वेळेचे व्हिडिओ पोस्ट करू शकतात. विशेष म्हणजे ब्लू टिक सब्सक्रायबर्सना जाहिराती देखील ५० टक्क्यांपर्यंत कमी दिसणार आहेत. त्यामुळे या युजर्सना कोणतेही नवीन फिचर सर्वात आधी वापरता येणार आहेत.

ब्लू टिक सब्सक्रायबर्सना भरावे लागतात इतके पैसे

भारतात ट्विटरवर ब्लू टिक सब्सक्रिप्शनसाठी अँड्रॉइड आणि आयओएस या दोन्ही डिव्हाईससाठी दर महिन्याला ९०० रुपये इतकी रक्कम भरावी लागते ,तर वेब सब्सक्रिप्शन प्लानसाठी दरमहा ६५० रुपये भरावे लागतात.

वाचा : WhatsApp Tricks: आता वीजेचं बिल भरणं झालं सोपं, व्हॉट्सॲपद्वारेही भरु शकता बिल, या स्टेप्स करा फॉलो