Nothing Phone (2) बद्दल मोठं अपडेट समोर, फोन दमदार असा Snapdragon 8+ Gen 1 प्रोसेसरसह होणार लाँच

नवी दिल्ली :Nothing Phone (2) Specs : काही काळापूर्वीच नथिंग कंपनीने आपला पहिला स्मार्टफोन लाँच केला ज्याला चांगला प्रतिसाद मिळाल्याचं पाहायला मिळालं. दरम्यान आता नथिंगचे सीईओ कार्ल पेई यांनी २०२३ मध्ये कंपनी घेऊन येणाऱ्या आपल्या नव्या नथिंग फोन २ बद्दलची खास माहिती दिली. कार्लने सांगितले होते की नथिंग फोन २ स्मार्टफोन २०२३ मध्ये लाँच होणार आहे. नथिंगचा हा आगामी नवीन स्मार्टफोन क्वालकॉम स्नॅपड्रॅगन 8 सीरीज चिपसेटसह सुसज्ज असणार अशी माहिती समोर येत होती. कंपनीने फोनमधील सॉफ्टवेअर अनुभवावर विशेष लक्ष दिले आहे. आता एका नवीन अहवालातून समोर आले आहे की नथिंग फोन (2) स्मार्टफोनमध्ये क्वालकॉम स्नॅपड्रॅगन 8+ जनरल 1 प्रोसेसर मिळेल, कार्ल यांनी सांगितलं आहे.

वाचाः WhatsApp मध्ये जूनपासून होणार अनेक बदल, या यूजर्सला द्यावे लागतील पैसे

नुकत्याच केलेल्या एका लेटेस्ट ट्विटमध्ये, कार्ल पेईने पुष्टी केली की नथिंग फोन (2) स्मार्टफोन क्वालकॉम स्नॅपड्रॅगन 8+ जनरल 1 चिपसेटद्वारे येणार आहे. नथिंग फोन 1 च्या तुलने हा प्रोसेसर अधिक भारी आहे. कारण नथिंग फोन १ हा हँडसेट स्नॅपड्रॅगन 778G प्रोसेसरसह लाँच करण्यात आला होता. हा नवीन 8+ Gen 1 मागील 8 Gen 1 पेक्षा जवळजवळ दुप्पट वेगवान आहे. याशिवाय कंपनीने दिलेल्या माहितीनुसार परफॉर्मन्स व्यतिरिक्त, नवीन चिपसेटसह फोनच्या बॅटरी लाइफमध्ये मोठ्या सुधारणा होतील. याशिवाय नेटवर्क कनेक्टिव्हिटी आणि कॅमेरा फीचरमध्येही मोठे बदल होणार आहेत. चिपसेटमध्ये दिलेला इमेज सिग्नल प्रोसेसर नथिंग फोन 1 पेक्षा ४००० पट जास्त डेटा कॅप्चर करू शकतो. फोन RAW HDR आणि 30fps वर 4K व्हिडिओ रेकॉर्डिंग सारख्या प्रगत फीचर्ससह येणार आहे.मोबाइल वर्ल्ड काँग्रेस 2023 मध्ये, कार्ल पेईने पुष्टी केली होती की नथिंग फोन (2) स्मार्टफोनमध्ये सॅटेलाइट कनेक्टिव्हिटी सपोर्ट दिला जाईल.

वाचा : Samsung च्या दमदार स्मार्टफोनवर तगडं डिस्काउंट, १ लाख रुपयांचा फोन मिळवा २२ हजारांना, पाहा भन्नाट ऑफर