४९ रुपयांच्या सिंगल रिचार्जमध्ये ७ OTT ॲप्सची मजा, BSNL ‘हा’ दमदार प्लान आहे एकदम बेस्ट

नवी दिल्ली :BSNL CinemaPlus Recharge Plan : सरकारी दूरसंचार कंपनी भारत संचार निगम लिमिटेड अर्थात BSNL ने खास OTT रिचार्ज लाँच केले आहेत. या नवीन रिचार्ज योजनांना CinemaPlus रिचार्ज प्लान असे नाव देण्यात आले आहे. ही Cinemaplan योजना Lionsgate, ShemarooMe, Hungama आणि EpicOn सारख्या OTT अॅप्सचं सब्सक्रिप्शन ऑफर करत आहे. म्हणजे वापरकर्त्यांना एकाच रिचार्ज प्लॅनमध्ये भरपूर OTT ॲप्स दिले जातील. यासाठी यूजर्संना वेगळे रिचार्ज करावे लागणार नाहीत. BSNL ने असे तीन नवीन रिचार्ज प्लान लाँच केले आहेत. त्याबद्दल सविस्तर जाणून घेऊया..BSNL CinemaPlus स्टार्टर पॅक
या पॅकची किंमत सध्या ४९ रुपये आहे. पण त्याची खरी किंमत ९९ रुपये आहे. ही योजना सुमारे 7 OTT ॲप्सच्या सुविधेसह येते. या प्लानमध्ये शेमारू, हंगामा, लायन्सगेट आणि एपिकसारख्या OTT प्लॅटफॉर्म्सची मजा ग्राहकांना मिळेल.

BSNL CinemaPlus फुल पॅक
या रिचार्ज प्लानची किंमत १९९ रुपये आहे. या प्लानमध्ये वापरकर्त्यांना ZEE5 प्रीमियम, SonyLIV प्रीमियम, YuppTV आणि Hotstar OTT ॲप्सची सुविधा देण्यात आली आहे.

BSNL CinemaPlus प्रीमियम पॅक
या रिचार्ज प्लानची किंमत २४९ रुपये आहे. या प्लानमध्ये वापरकर्त्यांना ZEE5 प्रीमियम, SonyLIV Premium, YuppTV, Shemaroo, Hungama, Lionsgate आणि Hotstar या ॲप्सवर प्रवेश मिळतो. विशेष म्हणजे या साऱ्या CinemaPlus रिचार्ज प्लानची मजा घेण्याकरता सक्रिय BSNL फायबर कनेक्शन असणे आवश्यक आहे. यानंतर, वापरकर्ते त्यांच्या गरजेनुसार CinemaPlus प्लान रिचार्ज करू शकतात. यानंतर तुम्ही तुमच्या नोंदणीकृत मोबाईल नंबरवरून कंटेंट ऍक्सेस करू शकाल.

पैसे देखील वाचणार
बीएसएनएल कंपनीने लाँच केलेल्या या खास प्लानमुळे वापरकर्त्यांच्या पैशांची बचत होईल, असा विश्वास कंपनीने दाखवला आहे. यामुळे आता यापुढे वेगवेगळ्या रिचार्जसाठी वापरकर्त्यांना जास्त पैसे द्यावे लागणार नाहीत.

वाचा : Samsung च्या दमदार स्मार्टफोनवर तगडं डिस्काउंट, १ लाख रुपयांचा फोन मिळवा २२ हजारांना, पाहा भन्नाट ऑफर