Tipster सुधांशू अंभोरेने Realme 11 Pro सीरीजच्या अधिकृत लाँचपूर्वी हा मोठा खुलासा केला आहे, ज्यामध्ये मोफत स्मार्टवॉचची बातमी समोर आली आहे. टिपस्टरने एक पोस्टर जारी केले आहे, ज्यामध्ये ४,४९९ रुपये किमतीचे स्मार्टवॉच मोफत दिले जाणार आहे. यासाठी स्मार्टफोनची प्री-बुकिंग करावी लागेल, जी ८ जून ते १४ जूनपर्यंत चालेल. मात्र, कंपनीने अद्याप याला दुजोरा दिलेला नाही. त्यामुळे ही माहिती अधिकृत नाही.
Realme 11 Pro चे स्पेसिफिकेशन्स
Realme 11 Pro आणि Realme 11 Pro+ स्मार्टफोन आधीच चीनमध्ये लाँच झाले आहेत. त्यामुळे या स्मार्टफोन्सचे स्पेसिफिकेशन आधीच समोर आले आहेत. दोन्ही स्मार्टफोनमध्ये ६.७ इंचाचा AMOLED डिस्प्ले आहे. यामध्ये, 120Hz चे रिफ्रेश रेट FHD + रिझोल्यूशनसह दिला आहे. या उपकरणांमध्ये डायमेन्सिटी 7050 चिपसेट वापरला जाईल.
Realme 11 Pro भारतीय मोबाइल बाजारात तीन प्रकारांमध्ये लाँच केला जाऊ शकतो, हा 8GB RAM + 128GB स्टोरेज, 8GB RAM + 256GB स्टोरेज आणि 12GB RAM + 256GB स्टोरेज अशा प्रकारात असू शकतो. Realme 11 Pro + दोन प्रकारांमध्ये लाँच केला जाऊ शकतो, हा 8GB RAM + 256GB स्टोरेज आणि 12GB RAM + 256GB स्टोरेज अशा प्रकारात असेल. Realme च्या या सीरीजचे दोन्ही फोन Android 13 OS सह Realme UI 4.0 वर काम करतील.
Realme 11 Pro चा कॅमेरा सेटअप
Realme 11 Pro मध्ये बॅक पॅनलवर ट्रिपल कॅमेरा सेटअप दिसेल, ज्यामध्ये 100MP प्राथमिक कॅमेरा उपलब्ध असेल. याशिवाय 16MP फ्रंट कॅमेरा दिला जाईल.
Realme 11 Pro+ चा कॅमेरा
या Realme फोनमध्ये बॅक पॅनलवर ट्रिपल कॅमेरा सेटअप असेल, ज्यामध्ये 200MP कॅमेरा दिला जाईल. यामध्ये, सेकंडरी कॅमेरा 8-मेगापिक्सलचा अल्ट्रा वाईड अँगल लेन्स आहे आणि तिसरा सेन्सर 2 MP मॅक्रो सेन्सर आहे. यात 32MP सेल्फी कॅमेरा आहे.
वाचा : अपघात रोखण्यासाठी लाँच केलेले ‘रेल्वे कवच’ आहे तरी काय?, जाणून घ्या खास टेक्नोलॉजी