नवी दिल्ली :Asteroid towards earth : नॅशनल एरोनॉटिक्स अँड स्पेस अॅडमिनिस्ट्रेशन अर्थात नासा (NASA) या अंतराळ संस्थेने पृथ्वीवासियांना पुन्हा एकदा लघुग्रहांबाबत माहिती दिली आहे. विशेष म्हणजे एक-दोन नाही तर एकूण तीन लघुग्रह आजच पृथ्वी जवळून जाणार आहेत. तसंच यांचा आकार तब्बल १५०० फुटांपर्यंत मोठा असण्याचीही शक्यता आहे. नासा तसंच इतर रिसर्च सेंटर्स लघुग्रहांचा धोका ओळकण्यासाठी टेलिस्कोप तसंच NEOWISE सारखे observatories वापरत असतात. यांनी लघुग्रहांना ट्रॅक केलं जातं.NASA च्या जेट प्रोपल्शन लॅबोरेटरी (JPL) ने आज लघुग्रह 2023 LA साठी अलर्ट जारी केला आहे. हा १०० फूट आकाराचा लघुग्रह काही तासांत पृथ्वीच्या जवळ पोहोचणार आहे. जेट प्रोपल्शन लॅबोरेटरीनुसार, तो पृथ्वीपासून ६६०,००० किलोमीटर अंतरावरून जाणार आहे. याचा आकार लहान असल्याने धोका अधिक नाही. यासोबतच आज आणखी एक महाकाय खडक पृथ्वीच्या जवळ येत आहे. हा लघुग्रह 488453 (1994 XD) आहे जो तब्बल १५०० फूट मोठा आहे. हा लघुग्रह 488453 (1994 XD) पृथ्वीपासून ३,१६०,००० किलोमीटर अंतरावर पोहोचणार आहे. तसंच हा लघुग्रह ७५,६०० किमी वेगाने पृथ्वीकडे सरकत आहे.
याशिवाय तिसरा लघुग्रहही आज पृथ्वीच्या दिशेने झेपावत आहे. त्याचं नाव 2023 LQ आहे. त्याचा आकार ७२ फूट आहे. हा विमानाएवढा मोठा आहे. सूर्याभोवती फिरत फिरत पृथ्वीच्या सर्वात जवळच्या बिंदूवर पोहोचल्यावर दोघांमधील अंतर फक्त १,५६०,००० किमी राहील.
वाचा: घराचं होईल थिएटर! Home Theater घ्यायचा विचार करताय? १० हजारांच्या आत हे आहेत बेस्ट ऑप्शन