Tecno Camon 20 Pro 5G विक्रीची तारीख उद्या
तर Tecno Mobile India ने त्यांच्या अधिकृत ट्विटर अकाउंटवरून ट्विट करून Tecno Camon 20 Pro 5G च्या विक्रीची तारीख जाहीर केली आहे. ही विक्रीची तारीख उद्या म्हणजेच १५ जून २०२३ रोजी दुपारी १२ वाजता सुरू ठेवली आहे. तोपर्यंत, वापरकर्ते ई-कॉमर्स वेबसाइट Amazon वरून प्री-बुक देखील करू शकतात. विशेष म्हणजे प्री-बुकिंगसह कंपनी वायरलेस इयरबड मोफत देत आहे.
नेमकी किंमत किती?
हा स्मार्टफोन दोन प्रकारात येतो. बेस व्हेरिएंटला 8GB रॅमसह 128GB स्टोरेज मिळते. टॉप व्हेरिएंट 8GB रॅम आणि 256GB स्टोरेजसह येतो. बेस व्हेरिएंटची किंमत १९,९९९ रुपये आणि टॉप व्हेरिएंटची किंमत २१,९९९ रुपये आहे. फोन डार्क वेल्किन आणि सेरेनिटी ब्लू या दोन रंगांच्या पर्यायांमध्ये येतो. फोनच्या इतर फीचर्सबद्दल बोलायचे झाल्यास, Camon 20 Pro 5G मध्ये ६.६७ इंचाचा फुल HD+ AMOLED डिस्प्ले आहे. याचे पिक्सेल रिझोल्यूशन 1080 x 2400, आस्पेक्ट रेशो 20:9 आणि रिफ्रेश रेट 120Hz आहे. फोनमध्ये अंडर डिस्प्ले फिंगरप्रिंट सेन्सर उपलब्ध आहे. फोटोग्राफीसाठी फोनच्या मागील बाजूस ट्रिपल रियर कॅमेरा सेटअप उपलब्ध आहे. यामध्ये 64MP मुख्य कॅमेरा, 2MP मॅक्रो आणि 2MP डेप्थ सेन्सरचा समावेश आहे. सेल्फी आणि व्हिडिओ कॉलिंगसाठी फोनच्या समोर 32MP कॅमेरा देण्यात आला आहे. याशिवाय, हँडसेट डायमेंसिटी 8050 चिपसेटसह येतो. यात 33W फास्ट चार्जिंगसह 5000mAh बॅटरी आहे. फोन Android 13 वर चालतो.
वाचा: घराचं होईल थिएटर! Home Theater घ्यायचा विचार करताय? १० हजारांच्या आत हे आहेत बेस्ट ऑप्शन