मुंबई- ओम राऊतचा ‘आदिपुरुष’ हा चित्रपट प्रदर्शित झाल्यापासून सतत वादात सापडला आहे. या चित्रपटाचे लीक झालेले व्हिडिओही चर्चेत आहेत, त्यात हनुमानाचे संवाद बदललेले दिसत आहेत. सर्व विरोधादरम्यान ‘आदिपुरुष’ने ६ दिवसात जगभरात ४१० कोटींची कमाई केली आहे. मात्र, अॅडव्हान्स बुकिंगमुळे पहिल्या तीन दिवसांत जबरदस्त कलेक्शन करणारा हा चित्रपट आता बॉक्स ऑफिसवर थंड पडला आहे. भारतीय बॉक्स ऑफिसवर चित्रपटाच्या सातव्या दिवसाच्या कमाईचा आकडा समोर आला असून तो खूपच कमी आहे.Sacnilk च्या अहवालानुसार, प्रभास आणि क्रिती सेनॉनचा हा चित्रपट सातव्या दिवशी बॉक्स ऑफिसवर फक्त ५.५० कोटी रुपये कमवू शकला. २० कोटींच्या बजेटमध्ये या वर्षी प्रदर्शित झालेल्या ‘द केरला स्टोरी’ या हिट चित्रपटाच्या सातव्या दिवसाच्या कमाईच्या निम्म्याहूनही कमी कमाई या चित्रपटाने केली आहे. ‘द केरला स्टोरी’ने सातव्या दिवशी सुमारे ११.५० कोटी रुपयांची कमाई केली होती आणि ‘आदिपुरुष’ ६ कोटी रुपयांनी मागे पडला आहे.
या चित्रपटाने सातव्या दिवशी २६०.५५ कोटींची कमाई केली.
या चित्रपटाने सातव्या दिवशी २६०.५५ कोटींची कमाई केली.
चित्रपटाने ६ व्या दिवशी ७.२५ कोटींची कमाई केली, ज्यामध्ये फक्त हिंदी चित्रपटाने ३.८ कोटी आणि तेलुगूमध्ये ३.१ कोटी कमावले. मात्र, सातव्या दिवशी या चित्रपटाने भारतीय बॉक्स ऑफिसवर एकूण २६०.५५ कोटींची कमाई केली आहे.
तिकिटांचे दर कमी करण्यात आले आहेत
सिनेप्रेमींसाठी खास बातमी म्हणजे निर्मात्यांनी त्यांच्या प्रेक्षकांना थिएटरकडे आकर्षित करण्यासाठी 3D आवृत्तीच्या तिकिटांच्या किंमती १५० रुपयांपर्यंत कमी केल्या आहेत. त्याचवेळी, चित्रपटातील ज्या संवादावर लोकांनी जोरदार आक्षेप घेतला होता निर्मात्यांनी ते देखील बदलल्याचे बोलले जात आहे. या बदललेल्या संवादाचा एक व्हिडिओ सोशल मीडियावरही लीक झाला आहे, ज्यामध्ये हनुमान कपड़ा तेरी लंका का …तो जलेगी भी तेरी लंका’ असे म्हणत आहे. यापूर्वी कपड़ा तेरे बाप का…तो जलेगी भी तेरे बाप की असे काहीसे संवाद होते.