हायलाइट्स:
- गेल्या २४ तासांत राज्यात ४ हजार ४०८ नवीन रुग्णांचे निदान झाले आहे.
- गेल्या २४ तासांमध्ये एकूण ५ हजार ४२४ करोना बाधित रुग्ण बरे होऊन घरी गेले आहेत.
- आज राज्यात एकूण ११६ करोना बाधित रुग्णांचा मृत्यू झाला आहे.
मुंबई: राज्यात आज दैनंदिन रुग्णसंख्येत कालच्या तुलनेत किंतिच वाढ घट झाली असून मृत्यूंच्या संख्याही १६ ने वाढली आहे. तसेच, आज बरे होणाऱ्या रुग्णाची संख्याही थोडीशी कमीच झाली आहे. असे असले तरी राज्यातील एकूण सक्रिय रुग्णांच्या संख्येत मात्र घट झाली आहे. आरोग्य विभागाने दिलेल्या माहितीनुसार, राज्यात आज दिवसभरात एकूण ११६ रुग्णांचा मृत्यू झाला आहे. तसेच आज दिवसभरात ४ हजार ४०८ नव्या रुग्णांचे निदान झाले आहे. तसेच आज एकूण ५ हजार ४२४ इतके रुग्ण बरे झाले आहेत. (maharashtra registered 4408 new cases in a day with 5424 patients recovered and 116 deaths today)
आज राज्यात झालेल्या ११६ रुग्णांच्या मृत्यूंनंतरही राज्याचा मृत्यूदर मात्र २.११ टक्क्यांवरच आहे. याबरोबर राज्यात आतापर्यंत एकूण ६२ लाख ०१ हजार १६८ रुग्ण बरे झाले आहेत. यामुळे राज्यातील रुग्ण बरे होण्याचे प्रमाण ९६.८७ टक्के इतके झाले आहे.
राज्यातील सक्रिय रुग्णसंख्येत किंचित घट
राज्यातील एकूण सक्रिय रुग्णांची संख्या ६१ हजार ३०६ वर आली आहे. राज्यातील सक्रिय रुग्णांचा जिल्हानिहाय विचार करता पुणे जिल्ह्यात सक्रिय रुग्णांची संख्या सर्वाधिक आहे. पुणे जिल्ह्यात हा आकडा १४ हजार ३२५ इतका आहे. ठाणे जिल्ह्यात ६ हजार ९३८ सक्रिय रुग्ण आहेत. त्या खालोखाल साताऱ्यात ही संख्या ६ हजार ७९७ इतकी आहे. तर, सांगलीत एकूण ५ हजार ९१५ इतके रुग्ण उपचार घेत आहेत. अहमदनगरमध्ये एकूण ५ हजार ७४७ रुग्णांवर उपचार सुरू आहेत. तर सोलापुरात ५ हजार १३१ इतके रुग्ण आहेत.
क्लिक करा आणि वाचा- पवारसाहेब, तुम्ही कधीतरी खरे बोलणार आहात का?; सदाभाऊ खोतांचा निशाणा
मुंबईत ३०४८ सक्रिय रुग्ण
मुंबई महापालिका हद्दीत सक्रिय रुग्णांच्या संख्येत किंचित वाढ होत ती ३ हजार ०४८ वर आली आहे. तर, रत्नागिरीत १ हजार ५७९, सिंधुदुर्गात १ हजार ४८९, बीडमध्ये १ हजार ३०१, नाशिकमध्ये सक्रिय रुग्णांची संख्या १ हजार १२२ इतकी आहे. रायगडमध्ये १ हजार ०८० इतके रुग्ण आहेत.
क्लिक करा आणि वाचा- बाळासाहेबांच्या स्मृतिस्थळावर राणेंना येऊच देणार नाही; राऊत कडाडले
नंदुरबारमध्ये एकही रुग्ण नाही
या बरोबरच, औरंगाबादमध्ये ५१९, नांदेडमध्ये ही संख्या ४९ इतकी आहे. जळगावमध्ये २९१, नागपूर जिल्ह्यात ही संख्या १८८ इतकी झाली आहे. अमरावतीत ही संख्या ९० वर खाली आली आहे. तर यवतमाळमध्ये सक्रिय रुग्णांची संख्या ९ इतकी आहे. तसेच, धुळे आणि भंडाऱ्यात ही संख्या प्रत्येकी ५ इतकी आहे. गोंदिया जिल्ह्यात २ सक्रिय रुग्ण आहे. तर नंदुरबारमध्ये आज एकही रुग्ण नाही.
क्लिक करा आणि वाचा- पैशांचा पाऊस पाडणारी ‘ती’ टोळी अखेर पोलिसांच्या जाळ्यात
३,५३,८०७ व्यक्ती होम क्वारंटाइन
आतापर्यंत तपासण्यात आलेल्या ५ कोटी १२ लाख ९१ हजार ३८३ प्रयोगशाळा नमुन्यांपैकी ६४ लाख ०१ हजार २१३ (१२.४८ टक्के) नमुने पॉझिटिव्ह आले आहेत. सध्या राज्यात ३ लाख ५३ हजार ८०७ व्यक्ती होमक्वारंटाइनमध्ये आहेत. तर, २ हजार २३३ व्यक्ती संस्थात्मक क्वारंटाइनमध्ये आहेत.