नवी दिल्ली : Amazon Prime Day Sale : आजकाल ऑनलाईन शॉपिंगचं प्रमाण फारच वाढलं आहे. म्हणजे प्रत्येक गोष्ट एका क्लिकवर ऑनलाईन मिळत असल्याने सर्वजण ऑनलाईन शॉपिंगला पसंती देतात. त्यात ऑफर्स डिस्काउंटमुळेही अॅमेझॉन, फ्लिपकार्ट या ई-कॉमर्स साईटवरुन अधिक शॉपिंग होत असते. दरम्यान आता तुम्हालाही ऑनलाईन खरेदी करायची असेल तर एक भारी संधी तुमच्यासाठी आहे. अ‍ॅमेझॉनचा Amazon Prime Day Sale लवकरच होणार आहे. या सेलची तारीख लीक झाली आहे. १५ जुलैनंतर सेल सुरु होऊ शकतो आणि दोन दिवस म्हणजेच १६ जुलैला संपू शकतो अशी माहिती समोर येत आहे. दरम्यान Amazon कंपनीने मात्र अद्याप याबाबतची अधिकृत घोषणा केलेली नाही.अनेकदा हा सेल जुलैमध्येच होत असतो. मागील वर्षी देखील २३ आणि २४ जुलै रोजी या प्राईम डे सेलची घोषणा झाली होती. या दोन दिवस चालणाऱ्या सेलमध्ये स्मार्टफोन, लॅपटॉप, कपडे आणि विविध घरउपयोगी वस्तूंवर दमदार सूट दिली जात होती. सेलमध्ये प्राईम मेंबर्ससाठी खास अशा बँक ऑफर्सही असून एक्सचेंज ऑफरमध्येही मजबूत पैसे वाचवण्याची संधी आहे.
प्राईम मेंबरशिप घ्याल तर होईल फायदा
तर भारतात Amazon ची प्राईम मेंबरशिप ही १,४९९ रुपयांना मिळते. यामध्ये एका दिवसांत डिलेव्हरी, सेलमध्ये आधीच एन्ट्री, अॅमेझॉन म्युझिक, अॅमेझॉन प्राईम व्हिडीओचं सब्सक्रिप्शन असं सारं येतं. तसंच अनेक वस्तूंवर ५ टक्के सूटही मिळते. एक प्राईम लाईट हे सब्सक्रिप्शनही असून याची किंमत ९९९ रुपये आहे.
वाचा : Upcoming Smartphones : नवा फोन घ्यायचा विचार करताय? थांबा, भारतात लाँच होत आहेत दमदार स्मार्टफोन्स