तर नथिंग फोन (2) प्री-ऑर्डर करण्यासाठी, वापरकर्त्यांना नथिंगच्या वेबसाइटवर किंवा फ्लिपकार्टच्या वेबसाइटला भेट द्यावी लागणार आहे. वर सांगितल्याप्रमाणे वापरकर्ते फक्त २००० रुपये भरून प्री-बुक करू शकतात. प्री-ऑर्डरनंतर, ११-२० जुलै दरम्यान, वापरकर्त्यांना फ्लिपकार्ट वेबसाइटला भेट देऊन त्यांना इतर डिटेल जसंकही वेरियंट निवडावं लागेल.
Nothing Phone 2 चे काही स्पेसिफिकेशन्स
आतापर्यंत समोर आलेल्या माहितीनुसार नथिंग फोन (2) ला ६.७ इंचाचा AMOLED डिस्प्ले मिळणार आहे, असे अहवालातून समोर आले आहे. स्क्रीन फुलएचडी+ रिझोल्यूशनसह येईल. स्क्रीनचा रिफ्रेश रेट 120 Hz असू शकतो. हा डिवाइस Android 13 आधारित Nothing OS 2.0 सह लाँच होईल. हँडसेटला इन-स्क्रीन फिंगरप्रिंट सेन्सर मिळण्याची शक्यता आहे.
प्रोसेसरचं म्हणाल तर यामध्ये Qualcomm Snapdragon 8 Plus Gen 1 चिपसेट असून 4700mAh बॅटरी मिळू शकते. अद्याप कॅमेरा संबधित माहिती समोर आलेली नाही. हा फोन दोन पर्यायांमध्ये उपलब्ध करून दिला जाणार आहे. हँडसेटमध्ये 8GB रॅम आणि 256GB इनबिल्ट स्टोरेजचा पर्याय असेल. त्याची किंमत ७२९ युरो (सुमारे ६५,६०० रुपये) असेल. तर 12 जीबी रॅम आणि 512 जीबी स्टोरेज व्हेरिएंट ८४९ युरो (सुमारे ७६,४०० रुपये) या किंमतीला लाँच केला जाईल. तर नथिंग फोन (1) स्मार्टफोन हा 8 GB रॅम आणि 128 GB स्टोरेज व्हेरिएंटमध्ये येतो. त्याची किंमत ४६९ युरो (४२,४०० रुपये) आहे. मागील मॉडेलप्रमाणेच हा फोनपांढऱ्या आणि काळ्या रंगाच्या पर्यायांमध्ये उपलब्ध करून दिला जाईल.
वाचा : Upcoming Smartphones : नवा फोन घ्यायचा विचार करताय? थांबा, भारतात लाँच होत आहेत दमदार स्मार्टफोन्स