महानगरपालिकेत परिचारिका, सफाईकामगार आणि बहुउद्देशीय कामगार पदासाठी भरती; आजच करा अर्ज

बृहन्मुंबई महानगरपालिकेच्या उपनगरीय रुग्णालयांमध्ये सफाई कामगार आणि परिचारिका पदांसाठी भरतीची जाहीर प्रसिद्ध करण्यात आली असून, यासाठी थेट मुलाखतीद्वारे निवड करण्यात येणार आहे. दहावी आणि बारावी उत्तीर्ण उमेदवारांसाठी ही भरती असून या पदांच्या पात्रता नियमांनुसार इच्छुक उमेदवार या पदांसाठी अर्ज करू शकतात.

सदर जागांसाठीचे अर्ज १० जुलै २०२३ ते १४ जुलै २०२३ या दरम्यान सादर करायचे आहेत. पालिकेने जाहीर केलेल्या दिनांकानंतर प्राप्त होणाऱ्या अर्जांचा विचार केला जाणारा नसल्याचे पालिकेच्यावतीने अधिसूचनेत स्पष्ट करण्यात आले आहे.

सफाई कामगार आणि बहूउद्देशीय कामगार या जागांच्या भरतीसाठी कामगार पुरवठा करणाऱ्या स्थानिक विभागातील शासकीय संस्थांना अर्ज करता येणार आहेत. या जागांच्या भरतीसाठी या संस्थांना प्राधान्य देण्यात येणारआहे.

सदर संस्थांना वैद्यकीय अधीक्षक राजावाडी रग्णालयाच्या सूचनेप्रमाणे रोजच्या कामाकरिता मागणी केल्याप्रमाणे तीन सत्रात (सकाळ/दुपार/रात्र) विनाविलंब, सक्षम कामगार पुरवठा करणे अनिवार्य असेल

(वाचा : SDM ज्योती मौर्यने केलेल्या कृत्यानंतर सर्च होतेय SDM करिअर, जाणून घ्या या पद आणि त्याच्या पगाराविषयी)

पदांचा तपशील :

परिचारिका पदासाठी एकूण रिक्त जागा : ०८
बहुउद्देशीय कामगार पदासाठी एकूण रिक्त जागा : ०८
सफाई कामगार पदासाठी एकूण रिक्त जागा : ०१

शैक्षणीक पात्रता :

परिचारिका :

• बारावी (सायन्स)
• जनरल नर्सिंग मिडवाइफरी ३ वर्षांचा अभ्यासक्रम पूर्ण
• एमएनसी रजिस्ट्रेशन (MNC Registration)
• एमएस-सीआयटी (MS-CIT)
• मराठी आणि इंग्रजी भाषेचे ज्ञान

वेतन :

परिचारिका : ३०,००० रुपये मासिक वेतन
बहुउद्देशीय कर्मचारी : २०,००० रुपये मासिक वेतन
सफाई कामगार : २०,००० रुपये मासिक वेतन

(वाचा : Maharashtra Pollution Control Board 2023: महाराष्ट्र प्रदूषण नियंत्रण मंडळ, मुंबई येथे ५६ रिक्त पदांसाठी भरती)

अर्ज करण्याचा कालावधी :

परिचारिका पदासाठी : दिनांक १०जुलै २०२३ ते १४ जुलै २०२३

बहुउद्देशीय कर्मचारी आणि सफाई कामगार : दिनांक १०जुलै २०२३ ते १३ जुलै २०२३ सायंकाळी ५.०० वाजेपर्यंत
(अर्ज वैद्यकीय अधिक्षक राजावाडी रुग्णालय यांचे कार्यलय येथील सिलबंद पेटीत टाकावे)

मुलाखत :

फक्त परिचारिका पदासाठी :
सदर जागांसाठीची निवड प्रक्रिया संपूर्णपणे ऑफलाइन पार पडणार असून, थेट मुलाखतीद्वारे निवड प्रक्रिया पार पडणार आहे. त्यासाठी निवड झालेल्या उमेदवारांच्या मुलाखती २० जुलै २०२३ ला सकाळी ११.०० वाजल्यापासून आयोजित करण्यात येतील.

महत्त्वाचे :

• अर्ज सादर करण्यासाठी उमेदवाराने विहित अर्ज, १० जुलै २०२३ ते १४ जुलै २०२३ या कालावधीत कार्यालयीन वेळेत राजावाडी रुग्णालय, घाटकोपर (पूर्व) येथे सादर करायचे आहेत.

• अर्ज सादर करताना अर्जासोबत जोडलेली कागदपत्रे उमेदवाराने साक्षांकीत (Self Attestation) केलेली असणे गरजेचे आहे.

• सदर नियुक्ती ही सहा महिन्याच्या कालावधीकरिता असून, पालिका कर्मचाऱ्यांप्रमाणे सेवेचे इतर कोणतेही फायदे या उमेदवारांना मिळणार नाहीत
• बहुउद्देशीय कर्मचारी आणि सफाई कामगार यांना अर्जासोबत जमा करण्याची कागदपत्रे आणि इतर आवश्यक माहिती वाचण्यासाठी येथे क्लिक करा

(वाचा : Mazagon Dock Ltd 2023: विविध विभागातील तब्बल ४६६ जागांवर Apprenticeship; २६ जुलैपर्यंत करता येणार अर्ज)