२०२३-२४ या शैक्षणीक वर्षात घेण्यात येणाऱ्या सीबीएसई बोर्डाच्या परीक्षेचा कालावधी सुमारे ५५ दिवसांचा असणार असल्याचे बोर्डाच्यावतीने सांगण्यात आले आहे. तसे, येत्या नोव्हेंबर किंवा डिसेंबर महिन्यात सादर परीक्षांचे तपशीलवार वेळापत्रक जाहीर केले जाणार आहे.
बोर्डाच्या परीक्षांबाबत नोटीस जारी करून, बोर्डाने सर्व संस्थांना बोर्ड परीक्षांचे वरील वेळापत्रक लक्षात घेऊन त्यांच्या परीक्षांच्या तारखा निश्चित करण्याची विनंती केली आहे. यापूर्वी १२ मे २२३ रोजी सीबीएसईने दहावी आणि बारावीचे निकाल जाहीर केले असून १५ फेब्रीवरी २०२४ पासून पुढील शैक्षणिक वर्षाच्या परीक्षा होणार असल्याची माहिती प्रसिद्ध केली आहे.
(वाचा : MU Idol Exams: विद्यापीठाच्या गलथान कारभाराचा नवा नमुना; परीक्षा केंद्राला पूर्वकल्पना न देता परीक्षेचे आयोजन)
अधिकृत नोटीसमध्ये बोर्डाने म्हटले आहे की, “CBSE शैक्षणिक वर्ष 2023-24 साठी 15 फेब्रुवारी 2024 पासून इयत्ता 10 आणि 12 च्या बोर्ड परीक्षा घेणार आहे. या परीक्षा अंदाजे ५५ दिवसांच्या कालावधीसाठी घेतल्या जातील. 10वी बोर्डाची परीक्षा एप्रिल 2024 पर्यंत संपेल. अशा परिस्थितीत कोणतीही परीक्षा देणाऱ्या सर्व संस्थांना विनंती आहे की त्यांनी बोर्डाच्या परीक्षांचे वरील वेळापत्रक लक्षात घेऊन त्यांच्या परीक्षांच्या तारखा निश्चित कराव्यात.
परीक्षा सिंगल मोडमध्येच…
कोविड काळात सीबीएसई बोर्डानं दहावी, बारावीची परीक्षा दोन टर्ममध्ये आयोजित केली होती. मात्र, १२ मे २०२३ रोजी, Central Board of Secondary बोर्डाने जारी केलेल्या अधिसूचनेनुसार, २०२४ मध्ये घेण्यात येणाऱ्या CBSE बोर्डाच्या इयत्ता दहावी आणि बारावीच्या परीक्षा एकाच पद्धतीनं घेतल्या जाणार आहेत.
यंदाही ट्रेंड जपला…
गेल्या वर्षी देखील CBSE बोर्डाने २०२२ च्या दहावी आणि बारावीच्या निकालांसोबतच २०२३ च्या परीक्षांच्या तारखांची घोषणा केली होती. CBSE बोर्डाने यंदाही हा ट्रेंड जपत पुढील वर्षीच्या म्हणजेच २०२४ च्या बोर्डाच्या परीक्षांच्या तारखांची घोषणा केली आहे. सीबीएसईच्या दहावी आणि बारावीच्या परीक्षा यावर्षी १५ फेब्रुवारी २०२३ पासून घेण्यात आल्या होत्या. तर, २०२२-२३ या शैक्षणिक वर्षातील प्रात्यक्षिक परीक्षा २ जानेवारी ते १४ जानेवारी २०२३ या कालावधीत घेण्यात आल्या होत्या. त्यामुळे २०२४ मधील बोर्डाच्या प्रात्यक्षिक परीक्षाही जानेवारी २०२४ मध्येच होणार असल्याची शक्यता आहे.
(वाचा : MBBS Fees: राज्यात वैद्यकीय शिक्षण महागणार; मेडिकल कॉलेजांमधील एमबीबीएस अभ्यासक्रमाच्या शुल्कात ५ टक्के वाढ)