कॉमन युनिव्हर्सिटी एन्ट्रन्स टेस्ट 2023 परीक्षेसाठी बसलेल्या विद्यार्थ्यांची प्रतीक्षा संपली; CUET UG 2023 चा निकाल जाहीर

CUET UG Result 2023 Result: कॉमन युनिव्हर्सिटी एन्ट्रन्स टेस्ट (CUET) 2023 ची अंतिम उत्तरपत्रिका (Answer Key) काही दिवसांपूर्वी जाहीर करण्यात आली असून, या परीक्षेला बसलेले उमेदवार निकालाची वाट पाहत होते. तसेच, CUET 2023 च्या निकालाबाबत अनेक चर्चाही रंगत होत्या. मात्र आता या चर्चाना पूर्ण विराम लागला असून आज CUET 2023 चा निकाल जाहीर करण्यात आला आहे.

CUET UG 2023 च्या परीक्षेत बसलेल्या लाखो उमेदवारांची प्रतीक्षा संपली आहे. पपरीक्षेत बसलेल्या उमेदवारांना अधिकृत वेबसाइटवर आता निकाल पाहता येणार आहे.

(वाचा : MU Idol Exams: विद्यापीठाच्या गलथान कारभाराचा नवा नमुना; परीक्षा केंद्राला पूर्वकल्पना न देता परीक्षेचे आयोजन)

Answer Key प्रसिद्ध :

२९ जूनला या परीक्षेचे Answer Key प्रकाशित करण्यात आले होते. मात्र, अनेक विद्यार्थ्यांनी त्यात अनेक त्रुटी असल्याच्या तक्रारी केल्या होत्या. त्यानुसार, NTA ने CUET UG 2023 ची Answer Key पुन्हा ३ जुलैला नव्याने रोजी प्रसिद्ध केली. यामध्ये एनटीएने एकूण ३३३ प्रश्न काढले. तथापि, या त्याच्या पुढील आठवड्यात Answer Key चा दुसरा संच प्रदर्शित करण्यात आला होता.

CUET UG 2023 ची वैशिष्ट्ये

• CUET UG 2023 च्या परीक्षेसाठी यावेळी सुमारे १४.९० लाख विद्यार्थी बसले होते.

• या परीक्षेद्वारे, 44 केंद्रीय विद्यापीठे आणि अनेक राज्य विद्यापीठे उमेदवारांना प्रवेश देतील.

• CUET UG 2023 ही परीक्षा इंग्रजी, हिंदी, आसामी, बंगाली, गुजराती, कन्नड, मल्याळम, मराठी, ओरिया, पंजाबी, तमिळ, तेलगू आणि उर्दू या १३ भाषांमध्ये आयोजित करण्यात आली होती.

(वाचा : CBSE: सीबीएसई बोर्डाने जाहीर केले दहावी-बारावी २०२४ परीक्षेचे वेळापत्रक, जाणून घ्या केव्हा असणार अंतिम परीक्षा)

CUET UG 2023 परीक्षेचा निकाल पाहण्यासाठी

1. सर्वात आधी samarth.ac.in, cuet.samarth.ac.in, ntaresults.nic.in, nta.ac.in या अधिकृत वेबसाईट पैकी एका वेबसाईटला भेट द्या.
2. येथे तुम्हाला CUET UG Scorecard 2023 लिंक दिसेल, त्यावर क्लिक करा.
3. आता तुमच्यासमोर एक नवीन पेज ओपन होईल.
4. त्यानंतर, वैयक्तिक तपशील प्रविष्ट करा. .
5. तुमचा अर्ज क्रमांक आणि जन्मतारीख यांसारखे तपशील एंटर केल्यानंतर Submit या बटणावर क्लिक करा.
6. निकाल तुमच्या संगणकाच्या स्क्रीनवर दिसेल.
7. हा निकाल तुम्ही डाऊनलोड करू शकता. शिवाय, याची प्रिंटही काढू शकता. ही हार्डकॉपी तुम्हाला भविष्यात उपयोगी पडू शकते.

CUET UG 2023 उमंग अ‍ॅप तपासण्यासाठी

• तुम्ही अ‍ॅड्रॉइड प्ले स्टोअर किंवा ऍपल अ‍ॅप स्टोअरवरून उमंग अ‍ॅप डाउनलोड करू शकता.
• अ‍ॅप उघडा आणि NTA शोधा
• तुमची परीक्षा निवडा आणि अर्ज क्रमांक आणि जन्मतारखेसह इतर आवश्यक तपशील भरा
• तुमचा रिझल्ट स्क्रीनवर दिसेल.

CUET UG 2023 चे निकाल डिजीलॉकर पाहायचा असल्यास

1. DigiLocker अ‍ॅप उघडा किंवा digilocker.gov.in वर लॉग इन करा.
2. आवश्यक तपशील सबमिट करून नवीन नोंदणी तयार करा किंवा तुम्ही आधीच नोंदणी केली असल्यास तुमच्या खात्यात लॉग इन करा
3. शिक्षण टॅब अंतर्गत ‘CUET निकाल 2023’ वर क्लिक करा
4. तुमचा निकाल मिळविण्यासाठी तुमचा आधार तपशील सबमिट करा

(वाचा : अमेरिकेतील सेंट ल्युईस विद्यापीठ आणि मुंबई विद्यापीठात यांच्यामध्ये लवकरच सामंजस्य सहकार्याचा करार)