तर Tipster @UniverseIce च्या रिपोर्टनुसार, Apple च्या iPhone 15 सीरीजमध्ये Dynamic Island फीचर दिले जाईल. प्रो आणि नॉन प्रो मॉडेलमध्ये हे फीचर दिले जाईल. डायनॅमिक आयलंड हे स्क्रीन फीचर आहे, जे सध्या iPhone 14 Pro आणि iPhone 14 Pro Max मॉडेलमध्ये दिले जात आहे. पण आता डायनॅमिक आयलंड फीचर आयफोन 15 लाइनअपच्या सर्व मॉडेल्समध्ये दिले जाऊ शकते. यासोबत नॉच कॅमेरा कटआउट होल दिला जाऊ शकतो. डायनॅमिक आयलंड फीचर बॅटरी टक्केवारी आणि इतर माहिती दर्शवते.
स्क्रीन आकाराचं काय?
याशिवाय फोनमध्ये पातळ बेझल्स दिले जातील. लीक झालेल्या रिपोर्टनुसार, iPhone 15 Plus आणि iPhone 15 मध्ये फ्लॅट डिस्प्ले दिला जाईल. त्याच प्रो प्रकारात राऊंड कडा दिल्या जाऊ शकतात. Apple iPhone 15 आणि iPhone 15 Pro मध्ये ६.१ इंचाचा डिस्प्ले दिला जाईल. iPhone 15 Plus आणि iPhone 15 Pro Max मध्ये ६.७ इंच स्क्रीन दिली जाऊ शकते.
कलर्सचं काय?
iPhone 15 लाइनअपमध्ये आणखी एक बदल दिसून येईल. फोनला यूएसबी टाइप सी चार्जिंग पोर्ट दिला जाऊ शकतो. याशिवाय मोठा कॅमेरा बंप आणि वेगळे म्यूट बटण दिले जाईल. अॅपलकडून नवीन कलर व्हेरिएंट देखील सादर केला जाऊ शकतो. नवीन कलर व्हेरियंटमध्ये गुलाबी, हिरवा, हलका पिवळा आणि व्हॅनिला मॉडेल्ससह गडद लाल आणि निळा यांचा समावेश आहे.
AI चे सपोर्ट मिळेल
अॅपलकडून आयफोन 15 लाइनअपमध्ये कृत्रिम बुद्धिमत्ता अर्थात आर्टिफिशिअल इंटेलिजन्स वापरली जाऊ शकते. हेल्थ अॅपमध्ये अॅपलकडून एआयचा वापर केला जाईल. यामध्ये युजरचा गोळा केलेला डेटा योग्य प्रकारे वापरता येतो.
वाचा :Online Scam : जास्त पैसे कमावण्याच्या नादात बसला लाखोंचा गंडा, एक क्लिक आणि खात्यातून ९.३५ लाख गायब