एमएमएमयुटी (MMMUT) मधून शिक्षण पूर्ण करून कॅम्पस प्लेसमेंटच्या माध्यमातून नोकरी (Placement) मिळवलेल्या आजवरच्या सॅलरी पॅकेजमधील आराध्याला मिळाले पॅकेज हे विक्रमी ठरलं आहे. आराध्याच्या या यशाने MMMUT मध्ये नवा इतिहास रचला आहे अशी चर्चा सर्वत्र आहे.
(वाचा : Career BTech: १२वी नंतर इंजिनिअरिंग-बी. टेक करण्याच्या विचारात आहात; या अभ्यासक्रमांमुळे मिळू शकते लाखोंची नोकरी)
आराध्या त्रिपाठी ही मदन मोहन मालवीया युनिव्हर्सिटी ऑफ टेक्नॉलॉजीच्या (Mohan Malaviya University of Technology MMMUT) मध्ये बीटेकच्या शेवटच्या वर्षात शिकणारी विद्यार्थिनी आहे. आता तिला आराध्या त्रिपाठी गुगलकडून नोकरीची ऑफर आलीये. तिला अमेरिकन टेक जायंटकडून (Tech Giant : The term typically refers to the world’s five largest technology companies—Amazon, Apple, Facebook (Meta), Google (Alphabet), and Microsoft, but it can also imply other large technology firms such as Alibaba, Tencent, and Tesla.) ५२ लाख रुपयांचे पॅकेज मिळाले आहे.
आराध्या त्रिपाठी तिच्या पालकांसह उत्तर प्रदेशातील संत कबीर नगर येथील मगहर भागातील गोइथवा गावातील रहिवासी आहेत. आराध्याचे वडील अंजनी नंदन त्रिपाठी हे गोरखपूरच्या दिवाणी न्यायालयात वकील आहेत तर आई गृहिणी आहे. तिने गोरखपूर येथील सेंट जोसेफ स्कूलमधून तिचे १०+२ पर्यतचे शिक्षण पूर्ण केले असून, पुढील शिक्षणासाठी तिने MMMUT मध्ये प्रवेश घेऊन कम्प्युटर इंजिनिअरिंगमधून बी.टेक पर्यतचे शिक्षण पूर्ण केले.
(वाचा : Dr. Tanu Jain Success Story: डेंटल सर्जन ते सरकारी अधिकारी, वाचा डॉ. तनु जैनचा प्रेरणादायी प्रवास)
इंटर्नशिपच्या वेळीही ३२ लाख रुपयांची मिळाली होती ऑफर :
आराध्या त्रिपाठीने स्केलर अकॅडमी मधून इंटर्नशिप केलीये या इंटर्नशिप नंतर तिला स्केलरकडून 32 लाख रुपयांचे पॅकेज ऑफर करण्यात आले होते, पण आता तिला गुगलकडून चांगली ऑफर मिळाली आहे.
आराध्या म्हणते…
गुगलमध्ये प्लेसमेंट मिळाल्यावर LinkedIn वर पोस्ट करत आराध्य व्यक्त होते. ती म्हणते….
“मी थेट Production Traffic (प्रोडक्शन ट्राफिक) आणि स्केलेबल उत्पादनांवर काम केले आहे. शिवाय, मला स्पर्धात्मक वातावरणात काम करण्याचा अनुभव आहे. React.JS, React Redux, NextJs, TypeScript, NodeJs, MongoDB, ExpressJS आणि SCSS सारख्या सॉफ्टवेअर आणि त्यातील विविध तंत्रज्ञानाविषयी चांगली माहिती आणि त्यावर काम करण्याचा मला अनुभव आहे. सोबतच, डेटा स्ट्रक्चर्स (Data Structure) आणि अल्गोरिदममध्ये (Algorithm) मला खूप रस आहे. मी विविध कोडिंग प्लॅटफॉर्मवरचे सुमारे १००० हुन अधिक प्रश्न सोडवले आहेत आणि त्यावर चांगले रेटिंगही (उत्तम गुण) मिळवले आहे. आपण ज्या क्षेत्रात आहोत त्या क्षेत्राविषयी सखोल ज्ञान आणि बदलत्या युगासोबत स्वतःला अपडेट करण्याचे कौशल्य मला वेगवान पद्धतीने पुढे जाण्यास फायदेशीर ठरतात.”