Tipster ShrimpApplePro (@VNchocoTaco) ने Foxconn कर्मचाऱ्याच्या Weibo पोस्टचा स्क्रीनशॉट ट्वीट केला आहे. या ट्वीटनुसार, iPhone 15 आणि iPhone 15 Plus मध्ये ग्रीन, मिडनाईट ब्लॅक, पिंक, प्रॉडक्ट रेड, स्टारलाइट व्हाईट आणि यलो हे कलर ऑप्शन्स असतील असं दिसून येत आहे. याआधीही एका रिपोर्टमध्ये या आयफोनमधील नवीनग्रीन कलर वेरिएंटमध्ये लाँच झाल्याची माहिती समोर आली होती. तर या आगामी iPhone 15 आणि iPhone 15 Plus मध्ये ४८ मेगापिक्सलचे प्रायमरी रेअर कॅमेरा असू शखतो. iPhone 14 सीरीज सप्टेंबर २०२२ मध्ये लाँच झाली होती. त्यामुळे iPhone 15 देखील यंदा सप्टेंबरमध्ये लाँच होऊ शकते.
कशी असेल iPhone 15 ची स्क्रिन साईज?
समोर येणाऱ्या माहितीनुसार फोनमध्ये पातळ बेझल्स दिले जातील. लीक झालेल्या रिपोर्टनुसार, iPhone 15 Plus आणि iPhone 15 मध्ये फ्लॅट डिस्प्ले दिला जाईल. त्याच प्रो प्रकारात राऊंड कडा दिल्या जाऊ शकतात. Apple iPhone 15 आणि iPhone 15 Pro मध्ये ६.१ इंचाचा डिस्प्ले दिला जाईल. iPhone 15 Plus आणि iPhone 15 Pro Max मध्ये ६.७ इंच स्क्रीन दिली जाऊ शकते.
खास चार्जिंग पॉईंट असू शकतो
आता, एका ताज्या लीकमध्ये, हे उघड झाले आहे की आयफोन १५ मालिका यूएसबी टाइप-सी चार्जिंग पोर्टसह येईल. Apple ने आधीच पुष्टी केली आहे की नवीन युरोपियन युनियन अटी आणि नियमांमुळे कंपनी नवीन मॉडेल्समध्ये लाइटनिंग पोर्टला USB टाइप-सी पोर्टसह बदलेल. पण यासोबतच कंपनी अॅपल फास्च चार्जिंग आणि हाय-स्पीड डेटा ट्रान्सफरला केवळ कंपनीच्या सर्टिफायड केबल्ससहच परवानगी देईल. फोनच्या किंमतीबद्दल म्हणाल तर या दोन्ही फोनची किंमत भारतात अनुक्रमे ७९,९०० आणि ८९,९०० रुपयांपासून सुरू होऊ शकते.
वाचा : Battery Saver : फोनची बॅटरी सारखी संपतेय? चार्जिंग वाचवण्यासाठी या ६ टिप्स करा फॉलो