iPhone 15 च्या लाँचिंगला उशीर होणार? डिस्प्लेच्या प्रॉब्लेममुळे कंपनीची वाढली डोकेदुखी

नवी दिल्ली : iPhone 15 लाँच करणार आहे. दरवर्षी सहसा सप्टेंबरमध्ये लाँच होणारा हा फोन यंदा सप्टेंबर ऐवजी ऑक्टोबर ते डिसेंबर दरम्यान होण्याची शक्यता आहे. या विलंबाचे कारण फोनमधील डिस्प्ले इश्यू असल्याचं समोर येत आहे. Apple iPhone 15 Pro आणि 15 Pro Max च्या डिस्प्लेमध्ये ही समस्या आढळली आहे. त्यामुळे यंदा iPhone 15 स्मार्टफोन सिरीज लाँच होण्यास उशीर होण्याची शक्यता आहे. तर MacRumors च्या रिपोर्टनुसार, फोन ऑक्टोबर ते डिसेंबर दरम्यान लॉन्च केला जाऊ शकतो.

उशीरा लाँच होण्यामागे काय आहे कारण?
डिस्प्लेच्या समस्येमुळे iPhone 15 लाँच होण्यास उशीर होईल असं समोर येत आहे. Apple iPhone 15 Pro आणि iPhone 15 Pro Max च्या डिस्प्लेमध्ये ही समस्या आढळली गेली आहे. पहिली समस्या म्हणजे जो डिस्प्ले आयफोन 15 मध्ये इन्स्टॉल करायचा आहे, त्याच्या स्क्रीन मॅन्युफॅक्चरिंग प्रक्रियेची तक्रार करण्यात आली आहे. खरं तर, नवीन आयफोन 15 चा डिस्प्ले बेझल-लेस ठेवण्यात आला आहे, म्हणजेच अगदी लेटेस्ट नवीन प्रकारचे तंत्रज्ञान वापरले गेले आहे. याआधी अशाप्रकारे नवीन तंत्रज्ञान वापरताना अशीच समस्या Apple Watch 7 मध्ये दिसली होती. त्या परिस्थितीत आयफोनच्या विक्रीला एक महिन्याभराचा विलंब झाला होता.

Apple ची टीम जोमात करत आहे काम
समोर येणाऱ्या रिपोर्टनुसार, Apple iPhone 15 Pro मॉडेलचा डिस्प्ले विविध चाचणीत अपयशी ठरत आहे. Apple ची टीम या प्रकरणी खूप जवळून काम करत आहे. अशा परिस्थितीत अ‍ॅपल टीम डिस्प्लेच्या सर्वप्रकारच्या चाचणीवर दे्खील लक्ष ठेवून आहे. महत्त्वाचं म्हणजे आयफोन लाँचसाठी उशीर होणार असल्याची अधिकृत घोषणा अ‍ॅपलने अद्याप केलेली नाही. तसेच हा फोन कधीपर्यंत लाँच केला जाईल याचीही घोषणा अजून करण्यात आलेली नाही. पण हे निश्चित आहे की अ‍ॅपल फुल प्रुफ चाचणीनंतरच स्मार्टफोन लाँच करेल, जेणेकरून ग्राहकांना लाँचनंतर कोणतीही अडचण येऊ नये.

वाचा : Google Maps : ड्रायव्हिंग करताना गुगल मॅप वापरता? ‘हे’ पाच फीचर्स वापरा, पैसे आणि वेळ दोन्ही वाचेल