Nothing Phone (2) स्वस्तात विकत घेण्याची संधी, पाहा काय आहे खास ऑफर

नवी दिल्ली : Nothing Phone 2 : एकीकडे मार्केटमधील जुन्या कंपन्या दमदार स्मार्टफोन्स घेऊन येत असून काही वर्षांपूर्वीच नथिंग या कंपनीने आपला पहिला स्मार्टफोन बाजारात आणला. त्याला ग्राहकांचा चांगला प्रतिसाद मिळाला असून आता Nothing Phone (2) स्मार्टफोन भारतात लाँच झाला आहे. हा फोन सध्या सवलतीच्या ऑफरमध्ये खरेदी केला जाऊ शकतो. हा फोन फ्लिपकार्ट आणि विजय सेल्सवर विक्रीसाठी उपलब्ध असून पांढरा आणि गडद राखाडी या नवीन रंगांमध्ये हा फोन उपलब्ध आहे. Android 13 ऑपरेटिंग सिस्टमवर हा फोन काम करतो. चलातर यावरील नेमकी ऑफर जाणून घेऊ…

नथिंग फोन (2) स्मार्टफोन अगदी स्वस्तात दिला जात आहे. हा फोन ई-कॉमर्स प्लॅटफॉर्म फ्लिपकार्टवरून खरेदी करता येईल. तसेच, विजय सेल्समधून देखील फोन खरेदी करता येईल. ३००० रुपयांच्या डिस्काउंट ऑफरवर हा फोन खरेदी करता येणार आहे. तर नथिंग फोन (2) स्मार्टफोनच्या 12 GB रॅम आणि 256 GB स्टोरेज व्हेरिएंटची किंमत ४९,९९९ रुपये आहे. तर 12 जीबी रॅम आणि 512 जीबी स्टोरेज वेरिएंटची किंमत ५४,९९९ रुपये आहे. हा फोन पांढऱ्या, गडद राखाडी रंगाच्या पर्यायांमध्ये उपलब्ध असेल. तुम्ही HDFC डिस्काउंट ऑफरमध्ये फोन विकत घेतल्यास, तुम्ही ३००० पर्यंतच्या डिस्काउंट ऑफरचा आनंद घेऊ शकाल. हा फोन नो-कॉस्ट ईएमआय पर्यायामध्ये खरेदी केला जाऊ शकतो.

Nothing Phone (2) मधील फीचर्स
Nothing Phone (2) मध्ये ६.७ इंचाचा AMOLED डिस्प्ले आहे. फोन LTPO डिस्प्ले तंत्रज्ञान वापरण्यात आले आहे. फोन Octacore Qualcomm Snapdragon 8+ Gen 1 चिपसेट सह सादर करण्यात आला आहे. फोन Android 13 आधारित ऑपरेटिंग सिस्टमवर काम करतो. कॅमेऱ्याबद्दल बोलायचे झाले तर, नथिंग फोन (2) मध्ये 50MP ड्युअल कॅमेरा सेटअप आहे. तसेच फ्रंटमध्ये 12MP सेल्फी कॅमेरा सेटअप देण्यात आला आहे. पॉवर बॅकअपसाठी फोनमध्ये 4700mAh बॅटरी देण्यात आली आहे. तसेच फोनमध्ये 45W फास्ट चार्जिंग सपोर्ट देण्यात आला आहे.

वाचा : Gpay वापरकर्त्यांसाठी आनंदाची बातमी! आता पिन न टाकता ही करता येणार UPI पेमेंट