१ ऑगस्टपासून ‘या’ स्मार्टफोन्सना गुगल अपडेट देणं करणार बंद, पाहा यादीत तुमचा फोनतर नाहीना?

नवी दिल्ली : Google Updates for Android : जर तुम्हीही अँड्रॉइड स्मार्टफोन वापरत असाल तर तुमच्यासाठी एक महत्त्वाची बातमी आहे, कारण Google कडून काही स्मार्टफोनसाठी Android सपोर्ट बंद करण्यात येत आहे. म्हणजे तुमचा फोन एक प्रकारे भंगार होऊ शकतो. कारण गुगल सपोर्टशिवाय फोन काहीच कामाचा नसेल. कारण गुगल सपोर्ट बंद होताच त्या फोनमध्ये तुम्हाला कोणतेही अॅप वापरता येणार नाही किंवा तुम्ही वापरत असलेले अॅप सुरक्षित देखील नसतील. तर आता प्रश्न उद्भवतो की कोणत्या फोनसाठी Android सपोर्ट बंद केला जात आहे, तर आम्ही तुम्हाला सांगतो की Google कडून Android 4.4 KitKat साठी Android सपोर्ट बंद केला जात आहे.

१० वर्षे जुने फोन खराब होतील
तर किटकॅट हे २०२३ मध्ये लाँच करण्यात आले होते. म्हणजे तुमचा स्मार्टफोन KitKat किंवा आधीच्या Android आवृत्तीवर आधारित असेल तर त्याचा सपोर्ट बंद होऊ शकतो. सोप्या भाषेत सांगायचे तर, Google प्रणाली सुमारे १० वर्षे जुन्या स्मार्टफोनवर काम करणे थांबवेल. रिपोर्ट्सचा विचार केला तर Google सपोर्ट १ ऑगस्टपासून देशभरात प्रभावी होऊ शकतो.

कोणत्या स्मार्टफोनवर परिणाम होईल?
अहवालानुसार, सध्या फक्त १ टक्के अँड्रॉईड स्मार्टफोन आणि टॅबलेट हे Android KitKat Android प्रणालीवर आधारित आहेत. या स्मार्टफोन्सना गुगल प्ले सर्व्हिसचा सपोर्ट मिळणार नाही. गुगल प्ले सपोर्ट बंद केल्याने ऑपरेटिंग सिस्टीम पूर्णपणे काम करणे थांबवेल. याचा अर्थ फोन वापराच्या दृष्टीने सुरक्षित राहणार नाही.
वाचा : Google Maps : ड्रायव्हिंग करताना गुगल मॅप वापरता? ‘हे’ पाच फीचर्स वापरा, पैसे आणि वेळ दोन्ही वाचेलतुम्ही काय करायला हवं?
तर सध्याच्या माहितीनुसार १० वर्षे जुनी उपकरणे सुरक्षित राहणार नाहीत. अशा परिस्थितीत या उपकरणांवर कोणतीही वैयक्तिक माहिती ठेवू नका. शक्य असल्यास, डिव्हाइस फॉरमेट करा.

वाचा : जर प्राणी माणसांसारखे दिसले असते तर? AI नं तयार केलेले हे ‘विचित्र’ फोटो पाहिले का?