न कोणतं बडं प्रमोशन, ना कोणी सुपरस्टार; तरीही बॉक्स ऑफिसवर कमाल करतोय सिद्धार्थ जाधवचा सिनेमा

मुंबई- सध्या बॉलिवूडचे बिग बजेट चित्रपट बॉक्स ऑफिसवर दणाणून आपटताना दिसत आहेत. त्याचबरोबर अनेक छोट्या बजेटचे सिनेमे मात्र इतिहास रचताना दिसतात. या चित्रपटांमध्ये फारसे मोठे स्टार दिसत नाहीत किंवा चित्रपट प्रदर्शित होण्याआधीही कोणता गाजावाजा होत नाही. पण उत्तम कथा आणि जबरदस्त अभिनयाच्या जोरावर या कमी बजेटच्या चित्रपटांनी ते करून दाखवले आहे जे मोठ्या स्टारकास्टचे चित्रपटही करू शकले नाहीत. आज आम्ही अशाच एका मराठी चित्रपटाची यशोगाथा सांगणार आहोत.

‘बाईपण भारी देवा’ या मराठी चित्रपटाने बॉक्स ऑफिसवर तुफान कमाई केली आणि अजूनही यशस्वीरित्या हा सिनेमा देशभरात सुरू आहे. चित्रपटाने खर्चापेक्षा दहापट अधिक कमाई करून इतिहास रचला. यशस्वी चित्रपटांच्या या मालिकेत आता आणखी एका मराठी चित्रपटाचे नाव जोडले गेले आहे. आम्ही बोलत आहोत नुकत्याच प्रदर्शित झालेल्या ‘अफलातून’ या चित्रपटाबद्दल.

या कमी बजेटच्या कॉमेडी चित्रपटात चित्रपटात जॉनी लिवर, सिद्धार्थ जाधव, भरत दाभोळकर, जयेश ठक्कर जेटी आणि श्वेता गुलाटी हे कलाकार मुख्य भूमिकेत आहेत. सिनेमाची कथा तीन मित्रांभोवती फिरते. श्री, आदित्य आणि मानव अपंग असून आपली कमकुवत आर्थिक परिस्थिती हाताळण्यासाठी गुप्तहेर संस्था सुरू करतात.

जबरदस्त कमाईसह ओपनिंग

संपूर्ण चित्रपटाची कथा त्यांच्या एजन्सीभोवती विणलेली आहे. ‘अफलातून’मध्ये विनोदी आणि अभिनयाचा सांगड घालण्यात आली आहे. २१ जुलै रोजी थिएटरमध्ये रिलीज झालेला हा चित्रपट अवघ्या ४ कोटींमध्ये बनवण्यात आला होता. या चित्रपटाने बॉक्स ऑफिसवर ९५ लाखांच्या कलेक्शनसह चांगली ओपनिंग केली.

एका आठवड्यात कमाई दुप्पट

चित्रपटाचे कलेक्शन दुसऱ्या दिवशी २.०३ कोटी रुपये आणि तिसऱ्या दिवशी २.८८ कोटी रुपये झाले. आता चित्रपटाचे एकूण कलेक्शन ८ कोटींच्या आसपास पोहोचले आहे. या चित्रपटाने अवघ्या एका आठवड्यात जवळपास दुप्पट कमाई केली आहे.