राजा शिवाजी विद्यालयामधून शालेय शिक्षण :
Aetashaa Sansgiri: मुंबई, दादरच्या हिंदू कॉलनीतील आय ई एस, वि.एन सुळे (किंग्ज जॉर्ज म्हणजेच राजा शिवाजी विद्यालयात) इंग्रजी माध्यमातून पहिली ते दहावीपर्यंतचे शिक्षण पूर्ण केले.
विज्ञानाची ओढ :
अकरावी आणि बारावीला सायन्स विषयाची निवड करून, गुजरात राज्यातील भुर्जमधील सेंट झेविअर्स हायस्कूल मधून अकरावी-बारावी चे शिक्षण घेतले.
रसायनशास्त्रात पदवीधर :
बारावीनंतर मुंबईत परतून, पुढील शिक्षणासाठी माटुंग्याच्या जी.एन.खालसा कॉलेजमध्ये (G N Khalsa College) प्रवेश घेतला. बीएससी या अभ्यासक्रमांतर्गत रसायनशास्त्रा विषय (Chemistry) निवडून पदवीपर्यंतचे शिक्षण पूर्ण केले.
न्यूट्रास्यूटिकल विषयात मास्टर्स :
पुढे, खालसा कॉलेजमध्येच एमएससी इन न्यूट्रास्यूटिकल (MSc in Nutraceuticals) विषयात पद्युत्तर (Post Graduation) शिक्षण पूर्ण केले.
पाचचं दिवसांत सोडली नोकरी :
पोस्ट ग्रॅज्युएशनच्या परीक्षांचा निकाल लागण्यापूर्वीच एतशाला तिच्यातील हुशारीमुळे एका नामांकित कंपनीमध्ये चांगल्या पगाराच्या नोकरीची संधीही मिळाली. पण, आयुष्यातील पुढली चाळीस वर्षे जर मला हे काम करायचे आहे… तर मला हे जमणार आहे का..? आणि हे काम आयुषस्यभर करणे मला आवडेल का हा स्वतःशीच विचार करून अवघ्या पाच-सहा दिवसांमध्ये तिने ती नोकरी सोडण्याचा निर्णय घेतला.
विचार ठरला पक्का :
निकाल लागल्यानंतर नामांकित बड्या कंपनीत किंवा एमएमसीमध्ये नोकरीची उत्तम संधी मिळाली तर त्याबद्दल विचारू करू असे ठरवत अखेर तिने ही नोकरी सोडली.
मटा श्रवणक्वीन २०१७ साठी निवड :
परीक्षेचा निकाल लागायला अजून वेळ होता, त्याच दरम्यान महाराष्ट्र टाइम्स श्रावण क्वीन २०१७ ची घोषणा करण्यात आली होती. एतशानेही या स्पर्धेत सहभागी होण्याचा निर्णय घेतला. मटा श्रवणक्वीन २०१७च्या पहिल्या फेरीमध्ये मुंबईमधून ८ मुलींची निवड करण्यात आली होती. त्यात एतशाचीही निवड झाली.
पण, प्रेक्षकांची मने जिंकली…
त्यातून पुढे वेगवेगळ्या स्पर्धा आणि आव्हानांचा सामना करत तिने महाराष्ट्र टाइम्स श्रावणक्वीन २०१७च्या टॉप २० मध्ये येण्याचा मान पटकावला. शिवाय २०१७च्या श्रावणक्वीन स्पर्धेतील वाचक पसंतीचा चेहरा (Best Readers Choice Award) बनण्याचा मानही तिने पटकावला.
मनोरंजन विश्वात करिअर करण्याचा निर्णय :
या स्पर्धेतील सहभागानंतर मात्र मनोरंजन विश्वातच करिअर करण्याचा निणय तिने घेतला. त्यानंतर या क्षेत्रातील काही ओळखीच्या लोकांच्या परवानगीने तिने शूटिंग पाहायला जाण्याची सुरुवात केली.
मनोरंजन विश्वात झाले पदार्पण :
अचानक एका मालिकेच्या ऑडिशनसाठी बोलावण्यात आले. प्रशिक्षित नृत्यांगणा असलेल्या एतशाने कधीही अभिनय केला नव्हता. मात्र ऑडिशनमध्ये तिने भरपूर मेहनत घेतली. एक नव्हे, दोन नव्हे, तर ३ वेळा ऑडिशन घेतल्यानंतर अखेर ‘छोटी मालकीण’ या मालिकेच्या निमित्ताने मनोरंजन विश्वात एका नव्या चेहऱ्याने पदार्पण केले.
प्रेक्षकांची लाडकी अहिल्या :
सध्या पुण्यश्लोक अहिल्या या हिंदी मालिकेत अहिल्याबाई होळकरांची प्रमुख भूमिका एतशा साकारते.