Jio ची मार्केटमध्ये हवा, ३० लाख नवे युजर्स जोडले, वोडाफोन-आयडियाची हालत खराब, पाहा लेटेस्ट TRAI रिपोर्ट

नवी दिल्ली : Jio Users Increases : दूरसंचार क्षेत्रात रिलायन्स जिओची राजवट सध्याही कायम आहे. जिओच्या नेटवर्कमध्ये नवीन ग्राहक सतत सामील होत आहेत. जिओ व्यतिरिक्त, एअरटेल ही एकमेव कंपनी आहे ज्यामध्ये नवीन ग्राहक जोडले जात आहेत. पण वोडाफोन-आयडियासारख्या एका मोठ्या नेटवर्कमधूनही ग्राहक बाहेर पडताना दिसत आहेत. भारतीय दूरसंचार नियामक प्राधिकरण म्हणजेच TRAI ने मे २०२३ चा अहवाल नुकताच प्रसिद्ध केला आहे, त्यानुसार रिलायन्स जिओने मे २०२३ मध्ये ३०.४ लाख नवीन ग्राहक जोडले आहेत.

Vi चे २८ लाख ग्राहक कमी झाले
दरम्यान, वोडाफोन आयडियाच्या वापरकर्त्यांच्या संख्येत २८.१५ लाखांची घट नोंदवण्यात आली आहे. Bharti Airtel बद्दल बोलायचे झाले तर, मे महिन्यामध्ये १३.४ लाख नवीन ग्राहक त्यांनी जोडले गेले आहेत. त्यामुळे सध्यातरी मार्केटमध्ये जिओ आघाडीला असून त्यांना एअरटेलकडून दमदार स्पर्धेचा सामना करावा लागत आहे. एकंदरीत काय तर Jio आणि Airtel चा यूजर बेसच वाढत आहे. सरकारी टेलिकॉम कंपनी बीएसएनएलचे ग्राहकही कमी झाले आहेत. त्यांच्या संख्येत सुमारे १४.८ लाखांची घट नोंदवली गेली आहे. TRAI च्या अहवालानुसार, मे २०२३ मध्ये एकूण ग्राहकांची संख्या ११४,३२,०५,२६७ झाली आहे. जिओच्या एकूण ग्राहकांची संख्या ४३,६३,०९,२७० आहे. तर Airtel चे एकूण सदस्य ३७,२३,१५,७८२ वर पोहोचले आहेत. वोडाफोन-आयडियाच्या एकूण वापरकर्त्यांची संख्या २३,०९,४१,४३५ आहे.

वाचा : AC मुळे लाईट बिल खूप येतंय? ‘या’ ५ टिप्स फॉलो केल्यास वाचेल वीज आणि कमी येईल वीजबिल

एप्रिल कसा होता?
जर एप्रिलबद्दल बोललो तर, जिओने सुमारे ३० लाखांहून अधिक नवीन वापरकर्ते जोडले होते, तर एअरटेलने एप्रिलमध्ये ७० हजारांहून अधिक नवीन वापरकर्ते जोडले होते. याच काळात व्होडाफोनने जवळपास २९ लाख वापरकर्ते गमावले होते.

वाचा : Battery Saver : फोनची बॅटरी सारखी संपतेय? चार्जिंग वाचवण्यासाठी या ६ टिप्स करा फॉलो