हिंदुस्तान एरोनॉटिक्स लिमिटेडच्यावतीने (HAL) इंजिनिअरिंग, टेक्नलॉजीमध्ये पदवी असलेल्या तरुणांसाठी डिझाइन ट्रेनी (DT) आणि मॅनेजमेंट ट्रेनी (टेक्निकल) या पदांच्या भरती प्रक्रियेला सुरुवात झाली आहे. एचसीएलच्या या भारतीसाठीच्या प्रक्रियेला २ ऑगस्टपासून सुरुवात झाली असून, इच्छुक आणि पात्र उमेदवारांना २२ ऑगस्ट २०२३ ला सायंकाळी ५.०० वाजेपर्यंत अर्ज करता येणार आहे.
हिंदुस्तान एरोनॉटिक्स लिमिटेडमधील विविध विभागाच्या एकूण १८५ पदांसाठी हि भरती होणार असून, अर्ज करण्यासाठी पात्र आणि इच्छुक उमेदवारांना HAL च्या अधिकृत वेबसाइट hal-india.co.in वर जाऊन अर्ज प्रक्रिया पूर्ण करणे अनिवार्य असणार आहे. शिवाय, अर्ज करण्यापूर्वी उमेदवारांनी पात्रता निकष तपासणे आवश्यक आहे.
भरतीचा तपशील :
एकूण रिक्त जागा : १८५
डिझाईन ट्रेनी (DT) : ९५ जागा
मॅनेजमेंट ट्रेनी (Technical) : ९० जागा
निवड होणाऱ्या उमेदवारांना HAL च्या विविध विभाग/संशोधन आणि डिझाइन केंद्रे/कार्यालयांमध्ये त्यांची नियुक्ती केली जाईल.
(वाचा : Indian Navy Recruitment 2023: भारतीय नौदलात एसएससी आयटी एक्झिक्युटिव्हच्या पदांवर भरती, अर्ज कसा करावा)
पात्रता :
एचएएल डिझाइन ट्रेनी (DT) आणि मॅनेजमेंट ट्रेनी भरतीमध्ये सहभागी होणाऱ्या उमेदवारांसाठी कोणत्याही मान्यता प्राप्त संस्थेमध्ये पूर्ण वेळ इंजनिअरिंग किंवा टेक्नोलॉजीमध्ये पदवी असणे आवश्यक आहे.
पात्रता आणि वयोमर्यादेबाबत सविस्त माहिती उमेदवार HAL ऑफिशिअर वेबसाइटवर भेट देऊ शकतात करु शकतात.
असा करा अर्ज :
HAL अधिकृत वेबसाईटवरील करिअर विभागात जाऊन तुम्हाला ऑनलाइन अर्ज करता येईल.
करिअर पेजवर क्लिक केल्यानंतर सर्च मेन्यूमध्ये तुमच्या शैक्षणिक पात्रतेनुसार तुम्हाला हव्या असणाऱ्या पोस्टसाठी तुम्ही अर्ज करू शकता
महत्त्वाचे :
- उमेदवारांनी अर्ज केवळ ऑनलाइन माध्यमातूनच भरणे अनिवार्य असेल.
- इतर कोणत्याही माध्यमातून भरलेले अर्ज स्वीकारले जाणार नाहीत.
- भरतीशी संबंधित अधिक माहितीसाठी, अधिकृत वेबसाइटवर तपशीलवार उपलब्ध आहे.
(वाचा : Google Job Opportunity: गुगलमध्ये नोकरी मिळवायची आहे, मग या टॉप प्लेसमेंट टिप्स खास तुमच्यासाठी…)