Fire-Boltt Phoenix ची किंमत
कंपनीनं ह्या नव्या स्मार्टवॉचची किंमत २,१९९ रुपये ठेवली आहे. हे वॉच Fire-Boltt च्या वेबसाइटच्या माध्यमातून विकत घेता येईल. हे घड्याळ गोल्ड, ब्लॅक आणि ग्रे कलर्समध्ये विकत घेता येईल. विशेष म्हणजे कंपनी बिनव्याजी हप्त्यांची सुविधा देखील देत आहे.
वाचा: फक्त १५०० रुपयांमध्ये दोन स्मार्टफोन लाँच; ५ दिवस टिकेल बॅटरी
Fire-Boltt Phoenix AMOLED चे स्पेसिफिकेशन्स
ह्या स्मार्चवॉचमध्ये राउंड डायलचा वापर केला आहे, ज्याचा आकार १.४३ इंच आहे. हा एक एचडी डिस्प्ले आहे जो ४६६x४६६ पिक्सलला सपोर्ट करतो आणि ७०० निट्झ पीक ब्राइटनेससह येतो. ह्यात ब्लूटूथ कॉलिंग सपोर्ट देखील देण्यात आला आहे, म्हणजे युजर्स हे स्मार्टवॉच आपल्या स्मार्टफोनशी कनेक्ट करून ह्यावरून कॉल्स करू शकतात. ज्यासाठी कंपनीनं इनबिल्ट स्पिकर आणि मायक्रोफोनही दिला आहे.
Fire-Boltt Phoenix AMOLED मध्ये SpO२ मॉनिटरिंग, हार्ट रेट मॉनिटरिंग आणि स्लीप ट्रॅकिंग सारखे हेल्थ मॉनिटरिंग फीचर्स देखील आहेत. तसेच ११० पेक्षा जास्त स्पोर्ट्स मोड देखील पाहायला मिळतात. ह्यात Siri आणि OK Google व्हॉइस असिस्टंटचा सपोर्ट देण्यात आला आहे. विशेष म्हणजे ह्या स्मार्टवॉचमध्ये बिल्टइन गेम्सचा देखील समावेश करण्यात आला आहे.
वाचा: SIM Card खरेदीसाठी पोलीस व्हेरिफिकेशन आवश्यक; उल्लंघन केल्यास १० लाखांचा दंड
Fire-Boltt Phoenix AMOLED मध्ये चांगला बॅटरी लाइफ असल्याचा दावा कंपनीनं केला आहे. कंपनीच्या ह्या नव्या स्मार्टवॉचमध्ये स्मार्ट नोटिफिकेशनचा सपोर्ट मिळतो, त्यामुळे स्मार्टफोनमधील नोटिफिकेशन सहज वॉचवर दिसतात ज्यात कॉल अलर्टस आणि मेसेजसचा समावेश असतो. तसेच हे वॉच कॅमेरा कंट्रोल, वेदर, अलार्म आणि म्युजिक कंट्रोल असे फिचर देखील मिळतात.