मोटोरोलाचा आणखी एक स्वात ५जी फोन लाँचच्या उंबरठ्यावर; Motorola G84 दिसला भारतीय वेबसाइटवर

मोटोरोलाच्या जी-सीरिजमधील आगामी स्मार्टफोनची बातमी गेले कित्येक दिवस येत आहे. काही दिवसांपूर्वी हा हँडसेट टीडीआरए सर्टिफिकेशन्स साइटवर दिसला होता. तर आता आगामी Motorola G84 स्मार्टफोन भारतीय सर्टिफिकेशन साइट बीआयएसवर दिसला आहे. त्यामुळे ह्या हँडसेटचा भारतीय लाँच जास्त दूर नाही हे स्पष्ट झालं आहे, कारण बऱ्याचदा बीआयएसवर लिस्ट होणारे डिवाइस काही दिवसांनी भारतीयांच्या भेटीला येतात.

Motorola G84 बीआयएस लिस्टिंग

Motorola G84 स्मार्टफोन BIS सर्टिफिकेशन वेबसाइटवर XT2347-2 मॉडेल नंबरसह दिसला आहे. ह्या लिस्टिंगमुळे भारतीय लाँचची उत्सुकता वाढली आहे. परंतु ह्या लिस्टिंगमधून फोनच्या मॉडेल नंबर व्यतिरिक्त इतर कोणतीही माहिती समोर आली नाही. विशेष म्हणजे काही दिवसांपूर्वी हाच हँडसेट XT2347-2 ह्याच मॉडेल नंबरसह टीडीआरए लिस्टिंगमध्ये देखील दिसला होता. तिथे ह्या स्मार्टफोनमध्ये ५जी टेक्नॉलॉजी दिली जाईल हे समजलं होतं.

वाचा: सावधान! AI लाही कान असतात! फक्त टायपिंग ऐकून पासवर्ड ओळखणारं एआय आलं

Motorola G84 5G चे संभाव्य स्पेसिफिकेशन्स

Motorola G84 5G मध्ये ६.५ इंचाचा फुल एचडी प्लस डिस्प्ले असल्याचं समोर आलं आहे. ह्या स्क्रीनवर १२०हर्ट्झ रिफ्रेश रेट मिळू शकतो. आगामी मोटोरोला स्मार्टफोन अँड्रॉइड १३ वर आधारित असू शकतो. डिवाइसमध्ये ५०००mAh ची बॅटरी मिळू शकते. परंतु फास्ट चार्जिंग टेक्नॉलॉजी बाबत जास्त माहिती मिळाली नाही.

वाचा: ठरलं तर! सरड्याप्रमाणे रंग बदलणाऱ्या बॅक पॅनलसह होणार Vivo V29e ची एंट्री; लाँच डेट आली

डिवाइसमध्ये कंपनी युजर्सना क्वॉलकॉम स्नॅपड्रेगन प्रोसेसर देऊ शकते. आगामी Motorola G84 5G दोन ऑप्शनमध्ये लाँच होऊ शकतो. ज्यात ४जीबी रॅम व १२८जीबी स्टोरेज आणि ८जीबी रॅम व २५६ जीबी ऑप्शन मिळू शकतो.

कॅमेरा फीचर्स पाहता हा मोबाइल ट्रिपल रियर कॅमेरा सेटअप मिळू शकतो. ज्यात ५० मेगापिक्सलचा प्रायमरी कॅमेरा, ८ मेगापिक्सलचा सेकंडरी आणि २ मेगापिक्सलची अन्य लेन्स असण्याची शक्यता आहे. तसेच सेल्फी आणि व्हिडीओ कॉलिंगसाठी १६ मेगापिक्सलचा कॅमेरा मिळू शकतो.