आयफोनच्या तोडीचा स्मार्टफोन! Vivo X100 सीरीजच्या लाँचची कंपनीनेच दिली माहिती; असे असू शकतात फिचर

विवोनं आपल्या Vivo X100 सीरीजच्या लाँचची घोषणा केली आहे. ज्यात कंपनी Vivo X100, Vivo X100 Pro आणि Vivo X100 Pro + स्मार्टफोन सादर करेल. ह्याबाबत ब्रँडच्या ग्लोबल प्रेजिडेंटनी सविस्तर माहिती दिली आहे. तसेच ह्या मोबाइल्समध्ये शानदार कॅमेरा एक्सपीरियंस आणि हटके डिजाइन दिली जाईल. चला जाणून घेऊया ह्यांची लाँच टाइमलाइन आणि लीक स्पेसिफिकेशन्सची माहिती पुढे दिली आहे.

Vivo X100 सीरीज कधी होईल लाँच

चीनमध्ये झालेल्या एका इव्हेंट दरम्यान विवो ग्लोबल प्रेजिडेंट शेन वेई यांनी सांगितलं आहे की विवो एक्स१०० सीरीज यंदा सादर होईल. ह्यातील विवो एक्स१०० आणि विवो एक्स१०० प्रो वर्षाच्या शेवटपर्यंत म्हणजे नोव्हेंबरमध्ये लाँच केले जातील.

तर सीरीजचा टॉप मॉडेल Vivo X100 Pro+ पुढील वर्षी २०२४ मध्ये येईल. पंरतु अचूक अशी लाँच डेट अद्याप सांगण्यात आलेली नाही त्यामुळे हा फोन पुढील वर्षी पाहिल्या तिमाहीत बाजारात येईल, असा अंदाज व्यक्त केला जात आहे. आगामी विवो फ्लॅगशिप स्मार्टफोनमधील कॅमेरा मोठ्या प्रमाणात अपग्रेड होऊ शकतो. आशा आहे की विवो नवीन फोन्समध्ये स्वतंत्र V3 ISP चिपचा वापर करू शकते.

वाचा: BSNL Special Recharge : एकदा करा टॉप-अप आणि वर्षभर रिचार्जचं टेन्शनचं नाही, दमदार डेटासह बरंच काही

Vivo X100 Pro चे संभाव्य स्पेसिफिकेशन्स

Vivo X100 Pro मध्ये कर्व एज ओएलईडी डिस्प्ले मिळू शकतो. जो १.५के रिजॉल्यूशन आणि १२० हर्टझ रिफ्रेश रेटला सपोर्ट करेल. फोनमध्ये युजर्सना दमदार मीडियाटेक डायमेंसिटी ९३०० चिपसेट मिळण्याची शक्यता आहे. यात ग्राफिक्ससाठी Arm G720 जीपीयूचा वापर केला जाऊ शकतो. जोडीला २४ जीबी पर्यंत रॅम आणि १टीबी पर्यंत स्टोरेज मिळू शकते.

हा फोन ट्रिपल रियर कॅमेरा सेटअप सह येऊ शकतो. ज्यात ५० मेगापिक्सलचा सोनी आयएमएक्स ९८९ प्रायमरी सेन्सर, ६४ मेगापिक्सलची टेलीफोटो सेन्सर आणि १२ मेगापिक्सलची सोनी आयएमएक्स ६६३ अल्ट्रा वाइड अँगल लेन्स मिळू शकते. सेल्फी आणि व्हिडीओ कॉलिंगसाठी ३२ मेगापिक्सलचा फ्रंट कॅमेरा लेन्स मिळण्याची शक्यता आहे.

वाचा: तुम्हीही फोन कव्हरमध्ये नोट ठेवता? जीवघेणी ठरू शकते ही छोटीशी सवय, जाणून घ्या तज्ज्ञांचे मत

डिवाइसमध्ये १००वॉट फास्ट चार्जिंग सपोर्ट आणि ५००० एमएएचची बॅटरी दिली जाऊ शकते. ऑपरेटिंग सिस्टम पाहता हा मोबाइल अँड्रॉइड १४ आधारित ओरिजिन ओएस ४.० वर चालू शकतो. त्याचबरोबर स्मार्टफोन इन डिस्प्ले फिंगरप्रिंट सेन्सर, ब्लूटूथ, वाय-फाय, ड्युअल सिम ५जी, एनएफसी, इंफ्रारेड स्कॅनर, स्टीरियो स्पिकर्स सारखे अनेक फीचर्स मिळू शकतात.