Realme 11x 5G ची किंमत आणि ऑफर
आज दुपारी १२ वाजल्यापासून Realme 11x 5G चा सेल सुरु होईल. स्मार्टफोन दोन व्हेरिएंटमध्ये आला आहे. ह्याच्या बेस व्हेरिएंटमध्ये ६जीबी रॅमसह १२८जीबी स्टोरेज मिळते. तसेच दुसरा व्हेरिएंट ८जीबी रॅम आणि १२८जीबी स्टोरेजसह येतो. हा फोन मिडनाइट ब्लॅक आणि डॉन पर्पल कलरमध्ये विकत घेता येईल.
वाचा: दिलखेचक मजेंटा रंगात येतोय Moto G84 5G; कंपनीनं लाँच डेटसह फीचर्सही सांगितले
फोनचा बेस व्हेरिएंट १४,९९९ रुपयांमध्ये खरेदी करता येईल. तर टॉप व्हेरिएंटसाठी १५,९९९ रुपये मोजावे लागतील. लाँच ऑफर अंतगर्त मात्र १००० रुपयांचा डिस्काउंट दिला जात आहे. हा कुपन डिस्काउंट आहे. त्यामुळे ह्या दोन्ही मॉडेलची किंमत अनुक्रमे १३,९९९ आणि १४,९९९ रुपये होईल.
Realme 11x 5G चे स्पेसिफिकेशन्स
फोनमध्ये २४००×१०८० पिक्सल रिजोल्यूशन आणि १२०Hz रिफ्रेश रेट असलेला ६.७२ इंचाचा Full HD+ डिस्प्ले देण्यात आला आहे. स्मार्टफोनमध्ये ३३W SUPERVOOC चार्जिंगला सपोर्ट असलेली ५०००mAh ची बॅटरी मिळते. हा फोन फक्त २९ मिनिटांत ०-५० टक्के चार्ज होतो, असा दावा कंपनीनं केला आहे.
वाचा: आता ऑनलाइन मिळणार ९९९ रुपयांच्या 4G Phone; Jio Bharat 4G अ‍ॅमेझॉनवर लिस्ट
फोन MediaTek Dimensity 6100+ 5G Octa core प्रोसेसरसह बाजारात आला आहे. ह्या स्मार्टफोनमध्ये ८जीबी पर्यंत रॅम आणि १२८जीबी स्टोरेज देण्यात आली आहे. Realme 11x 5G फोन अँड्रॉइड १३ आधारित रियलमी युआय ४.० वर चालतो.
फोटोग्राफीसाठी फोनच्या मागे ड्युअल कॅमेरा सेटअप दिला आहे. ज्यात ६४ मेगापिक्सलचा मुख्य कॅमेरा आणि २ मेगापिक्सलची पोट्रेट लेन्स आहे. सेल्फी आणि व्हिडीओ कॉलिंगसाठी फोनच्या फ्रंटला ८ मेगापिक्सलचा कॅमेरा देण्यात आला आहे.