मुंबई रेल्वे विकास कॉर्पोरेशन लिमिटेडमध्ये प्रकल्प अभियंता पदासाठी भरती प्रक्रियेला सुरवात; थेट मुलाखातीमधून पार पडणार निवड प्रक्रिया

MRVC Recruitment 2023: मुंबई रेल्वे विकास कॉर्पोरेशन लिमिटेड, मुंबई अंतर्गत “प्रकल्प अभियंता (Project Manager)” या पदाच्या रिक्त जागासाठी नवीन भरती प्रसिद्ध करण्यात आलेली आहे. सदर भरतीची अधिकृत जाहिरात संकेतस्थळावर प्रसिद्ध करण्यात आलेली असून इच्छुक व पात्र उमेदवारांची निवड मुलाखत पद्धतीने होणार आहे. उमेदवारांना मुलाखतीच्या तारखा अनुक्रमे २५ ते २९ सप्टेंबर २०२३ देण्यात आलेल्या आहेत.

मुंबई रेल्वे विकास कॉर्पोरेशन लिमिटेडनेच्या या भरतीअंतर्गत प्रकल्प अभियंता सिव्हिल या पदांच्या रिक्त जागा भरण्यात येणार आहेत. या भरतीसाठी पात्र उमेदवारांना त्यांचे अर्जाचे स्वरूप अधिकृत वेबसाईटवर उपलब्ध आहे.

मुंबई रेल्वे विकास कॉर्पोरेशन लिमिटेड (MRVC)भरती मंडळ, मुंबईने ऑगस्ट २०२३ च्या जाहिरातीत एकूण २० रिक्त पदांची घोषणा केली आहे. उमेदवारांना बायोडेटा आणि सर्व शैक्षणिक प्रमाणपत्रांसह थेट मुलाखतीसाठी आमंत्रित करण्यात येणार आहे. तर भरतीसाठी आवश्यक शैक्षणिक पात्रता, वयोमर्यादा, नोकरीचे ठिकाण आणि महत्वाच्या तारखा याबाबतची सविस्तर माहिती जाणून घेऊया.

(वाचा : TMC Bharti 2023: ठाणे महानगरपालिका अंतर्गत रुग्णालयांमध्ये परिचारिका पदासाठी भरती; कंत्राटी तत्वावर तब्बल ७२ जागांवर भरती)

पदभरतीचा तपशील :

एकूण रिक्त पदे : २०

रिक्त पदाचे नाव : प्रकल्प अभियंता (Project Engineer)

(सदर भरतीमधील जागांच्या नियुक्तीसाठी नियमांनुसार काही जागा राखीव ठेवण्यात आल्या आहे. अधिक महितीसाठी मुंबई रेल्वे विकास कॉर्पोरेशन लिमिटेडच्या वतीने प्रसिद्ध करण्यात आलेली मूळ जाहीरात वाचा)

वयोमर्यादा :

• मुंबई रेल्वे विकास कॉर्पोरेशन लिमिटेडच्या प्रोजेक्ट इंजिनीअर पदासाठी अर्ज करणार्‍या उमेदवाराचे वय ३० वर्षांपेक्षा जास्त नसावे.
• SC आणि ST गटातील उमेदवारांना वयाच्या अटीबाबत ५ वर्षाची शिथिलता देण्यात आली आहे.
• तर, OBC वर्गातील उमेदवारांना वयोमार्यादेत ३ वर्षाची शिथितला मिळणार आहे.

(वाचा : आयडॉलच्या प्रवेशांना पुन्हा एकदा मुदतवाढ; ३१ ऑगस्टपर्यंत विद्यार्थ्यांना सादर करता येणार ऑनलाइन अर्ज)

शैक्षणिक पात्रता :

0 MRVCL (एमआरव्हीसीएल) मधील या पदांसाठी अर्ज करणारा उमेदवार मान्यताप्राप्त संस्थेमधून (AICTE Affiliated) सिव्हिल इंजिनीअर किंवा समकक्ष अभ्यासक्रमांमध्ये ६० टक्के किंवा त्याहून अधिक गुण असणे आवश्यक.

0 ज्या संस्थामध्ये किंवा विद्यापीठामध्ये टक्केवारी देण्याची पद्धत नाही, अशा संस्थामध्ये किंवा विद्यापीठाने CGPA/OGPA/DGPA पद्धतीमधील निकषांच्या आधारे निवड केली जाईल.

0 Rounding of Percentage म्हणजेच जर तुम्हाला ५९.९९ टक्के गुण मिळाले असतील तर, हे गुण ५९.९९ टक्के गुण हे ६० टक्के म्हणून गृहीत धरले जाणार नसून, हे गुण ५९.९९ टक्के असेच ग्राह्य धरले जातील.

0 सदर विषयातील पदव्युत्तर शिक्षण पूर्ण केलेल्या उमेदवारांना निवड प्रक्रियेत प्राधान्य देण्यात येईल.

अशी पार पडणार निवड प्रक्रिया :

• रजिस्ट्रेशन करण्याची वेळ : २५ ते २९ सप्टेंबर २०२३, सकाळी १० ते ११.३० यावेळेत

• मुलाखतीची तारीख : २५ ते २९ सप्टेंबर २०२३

• मुलाखतीचा पत्ता : मॅनेजर (एचआर), एमआरव्हिसी कॉर्पोरेट ऑफिस, दूसरा मजला, चर्चगेट रेल्वे स्टेशन इमारत, मुंबई ४०००२०

• वर नमूद करण्यात आलेल्या तारखांनुसार उमेदवार त्यांच्या योयीनुसार कोणत्याही एका दिवशी मुलाखतीसाठी येऊ शकतात.

• मुलाखतीला आलेल्या उमेदवाराने रजिस्ट्रेशन प्रक्रिया पूर्ण करून, अर्ज आणि कागदपत्रांची पडताळणी केल्यानंतर त्यांची निवड प्रक्रिया पार पडेल.

असा करा अर्ज :

1. मुंबई रेल्वे विकास कॉर्पोरेशन लिमिटेड अंतर्गत राबविण्यात येणारी प्रकल्प अभियंता या पदासाठीची भरती प्रक्रिया ऑफलाइन मुलाखत पद्धतीने राबवली जाणार आहे.
2. त्यामुळे उमेदवारांनी इतर कोणत्याही माध्यमातून अर्ज न करता फक्त ऑफलाईन मुलाखत पद्धतीने अर्ज सादर करावा.
3. इतर कोणत्याही माध्यमातून करण्यात आलेल्या अर्जाचा विचार केला जाणार नाही याची उमेदवारांनी दक्षता घ्यावी.
4. अर्ज करण्यापूर्वी उमेदवारांनी संपूर्ण जाहिरात सविस्तर व काळजीपूर्वक वाचावी.
5. जाहिरातीत नमूद तारखेला उमेदवारांनी मुलाखतीस हजर राहून सदर भरतीसाठी अर्ज करावा.

(वाचा : Northern Railway Recruitment 2023: रेल्वेमध्ये इंजिनिअर्सना नोकरीची संधी; अर्ज करण्यासाठी उरलेत काही दिवस )