Moto G54 5G चे लीक स्पेसिफिकेशन्स
मोटरोलाच्या नवीन ५जी डिवाइसची माहिती Appuals च्या रिपोर्टमधून समोर आली आहे. रिपोर्टमध्ये सांगण्यात आलं आहे की डिवाइसमध्ये ६.५ इंचाचा फुल एचडी प्लस डिस्प्ले दिला जाऊ शकतो. ज्यात १२०Hz रिफ्रेश रेट, २४०० x १०८० पिक्सल रिजॉल्यूशन आणि २०:९ अ‍ॅस्पेक्ट रेश्यो मिळेल.
वाचा: Apple चं आगामी iPad Pro असणार आणखी खास, मोठ्या डिस्प्लेसह दमदार प्रोसेसरही
फोनचा प्रोसेसर पाहता डिवाइसमध्ये मीडियाटेक डायमेन्सिटी ७०२० प्रोसेसरचा वापर केला जाऊ शकतो.
कंपनी हा फोन दोन स्टोरेज ऑप्शनमध्ये लाँच करू शकते. ज्यात ८ जीबी रॅम १२८ जीबी स्टोरेज आणि १२जीबी रॅम +२५६ जीबी स्टोरेज मिळू शकते. हा फोन अँड्रॉइड १३ आधारित माय यूएक्सवर चालू शकतो.
फोनचा कॅमेरा पाहता डिवाइस ड्युअल रियर कॅमेरा सेटअपसह येईल. ह्यात ५० मेगापिक्सलचा कॅमेरा क्वॉड पिक्सल टेक्नॉलॉजी आणि ऑप्टिकल इमेज स्टॅबिलायजेशनसह दिला जाऊ शकतो. जोडीला ८ मेगापिक्सलचा दुसरा कॅमेरा मिळण्याची शक्यता आहे. तर सेल्फी आणि व्हिडीओ कॉलिंगसाठी १६ मेगापिक्सलचा फ्रंट कॅमेरा मिळू शकतो.
वाचा: जबरदस्त! फक्त साडेनऊ मिनिटांत फुल चार्ज; २४जीबी रॅम, २४०वॉट चार्जिंगसह Realme GT 5 लाँच
स्मार्टफोनमध्ये ६००० एमएएचची बॅटरी आणि ३०वॉट टर्बो पावर चार्जिंगचा फायदा मिळेल. डिवाइसमध्ये ड्युअल स्पिकर, दोन मायक्रोफोन, साइड माउंटेड फिंगरप्रिंट सेन्सर, फेस अनलॉक फीचरचा समावेश केला जाऊ शकतो. Moto G54 5G चे वजन आणि डायमेंशन पाहता हा डिवाइस १६१.५६ x ७३.८२ x ८.८९ एमएम आणि १९६ ग्रामचा असेल. कनेक्टिव्हिटीसाठी ह्यात वाय-फाय ५, ब्लूटूथ ५.३, ड्युअल सिम ५जी, जीपीएस सारखे अनेक फीचर्स दिले जातील.